خايفة من ألم الأجهاض والتحاميل؟؟ تعالي هنا

مساء الخير
بحكم اني فريت النت احاول ابحث عن اجابه شافيه عن تحاميل الاجهاض وكيف الطريقه مالقيت اجابه شافيه
والاغلب تخويف كلها..
انا توفى الجنين بالرابع ..قالو لي اشربي اعشاب ومابقى شي ماشربته اسبوعين ولاجاب نتيجة والحمد لله انه ماجاب نتيجة وانا بالبيت ..
النصايح اللي اقدمها للي بتمر بهالمرحله (الله يجعلها اخر الشر)
- اول ماتشوفين دم معاك طوالي المستشفى ..نصيحة مني عشان الالام والنزيف والم الفقد ماراح تتحملينها وحدك
- المستشفى يعطيك مسكن يريحك ويتحكم بالنزيف لو صار بأبر او غيره
- كل جسم وله طاقه تحمل للألم ..ويمكن ماتحسين بألم بعد .
اللي صار لي اعطتني الدكتوره تحاميل ٢من تحت ووحده بالفم الساعه ١١ الصبح
١١ ونص بدت الآلام زي بدايه الدوره ..جت الساعه ١ ونص وزادت شوي بس لازالت محتمله وماتقولين آه
هنا طلبت مسكن بالوريد ..جت الساعه ٣ وحسيت ماسوى لي شي طلبت ابره مسكن لاني كنت خايفه يجي الم قوي
ااه يازين الابره ٥دقايق وتحسين نفسك خارج اللاوعي وماتبين احد يحركك تريح مره ..
ع الساعه٥العصر وانا بين النايمه والقايمه حسيت ينزل معي دم ..فرحت للامانه لانه جيتهم ومانزل معي اي شي .. بعدها حسيت بشد بالمؤخره وشوي بالرحم ..الساعه ٥ ونص حسيت ان شي بيطلع من تحت وماعلمتهم قلت لين يطلع واخلص ويوم حسيت انه نزل علمت الممرضات وجو ركض ع اساس بينزلوني غرفه الولاده ..عاد انا كل خوفي من هالغرفه مع اني ماشفتها بس اسمها يرهبني
كانو يقولون لاتتحركين عشان ينزل كل شي بغرفه الولاده مو بالقسم
عاد انا خفت من انهم يدخلون يديهم فيني وينظفون
يوم راحت الممرضه وانا ارفع السرير بحيث اصير منحنيه شوي وابدا ادفع واكح عشان يطلع كل شي..هذا كله مافي الم اول مانزل الجنين سكن كل شي
يوم نزلوني غرفه الولاده حصلو كله نزل مع المشيمه ..والحمد لله ارتحت ..ولااحتجت تنظيف
هذي قصتي بختصار ..الله يعوضنا خير ..ويرزقني بالتوأم المتعافيين اللي يعوضوني مافقدته..
اللي احرق قلبي شوي انهم قايلين لي المستشفى بنسوي لك فحوصات وتحاليل وبموعدك الجاي تشوفين التحاليل
اتفاجئ انهم معطيني موعد بشهر ١١
المستشفيات الحكوميه مايعترفون بتجلطات دم واجسام مضاده يقولون لك طبيعي وسليمه وامشي
مع ان هذا اسقاطي الثاني حتى مااعطوني جو اسبرين يوم رحت خاص صرفتهم لي ..بس ماكنت مداومة عليهم الحمد لله ع كل شي..