خايفة وعندي حسرة .... واسوني

:44:

السلام عليكم ورحمة الله وبركاته

ماأدري كيف أبتدي موضوعي بس هذا اللي شاغل تفكيري وبالي

دائما أفكر بتقصيري تجاه ربي

من كنا صغار وشباب لاهين في الدنيا ونسعى لها وهي شغلنا الشاغل والحين كأنما صحيت وأفقت من الغفلة ان الحسرة مش في الدنيا الحسرة الحقيقة هي في الآخرة هناك الحياة الأبدية :(

اذا خسرنا فلوس نتحسر ، واذا راح علينا مشروع نتحسر واذا واذا ... لكن نسينا الحسرة بالآخرة حسرة دائمة غير منتهية لو خسرنا الجنة لو خسرنا آخرتنا.

ان مرينا من قصر نقول ماشاء الله بالعافية على اللي ساكنين فيه ونتحسر عمرنا كله بس هو العمر كم يعني 60 سنة ، 70 ، 80 يجي يوم وينتهي بس نسينا ان بالآخرة اذا ماحصلنا على قصر واللي هو من يدنا راح نضل نتحسر والحسرة أبديييييييييييييييية.

من أمشي وأشوف الناس اللي ياكل واللي يضحك أبدي أتخيل يوم القيامة ومن يصدر صوت البوق والظلمات والخوف والحسرة والحساب أخااااااااااف وأحزن.

حتى بديت اذا اسمع طفل مات أقول أحسن له على الأقل يروح الجنة وماكبر وماجمع ذنوب :(

عندي شعور اني مقصرة تجاه ربي
واني خايفة لاني عندي يأس لكن .... ولا ييأس من رحمة الله الا القوم الكافرون

اذا اجينا على الغيبة أبسط شي اذا تكلمت عن اي أحد أصبحت غيبة ورب العالمين مايغفرها الا صاحبها يسامحك وأحنا معشر النساء نحب القيل والقال :09: ولو الحين بديت اراقب نفسي من أتكلم.

الصراحة خايفة أخسر الجنة ، خايفة على أمي ، خايفة على اولادي .

ماأدري أخاف حتى من طريقة تفكيري لاتكون حرام

أستغفر الله وأتوب اليه

واسوني يابنات الله يهديكم