خايفة ومرعوبة وكل شئ + تنبيه هام

مساء الخير ..
اول شئ يابنات انبهكم وانتم بدوركم نبهوا اخوانكم واطفالكم ابدا مايفتحون الباب لاي مخلوق مايعرفونه
المفروض الباب من اختصاص الكبار خاصة في الزمن هذا اللي الواحد مايأمن فيه على نفسه..

قبل المغرب دق علينا واحد مشخص ثوب وشماغ وللاسف بنتي الصغيرة فتحت الباب لان المفتاح في الباب وجات تنادي اخوها ولدي الكبير (سادس) وقالت له الاستاذ حقك يبغاك..
وراح ولدي له قال انا من التعداد وابغى معلومات
وين ابوك قال ولدي موفيه في العمل
المهم وراه بطاقة تثبت انه من التعداد ودفتر كبير (اكيد مزورة) وابتدأ يسأل ولدي سأله عن اسمائنا كلنا وراتب ابوه وحتى راتب الشغالة وعددنا بعدين سمع الشغالة تنادي ولدي وكان بيسألها وينادي عليها قالت له ما اعرف شئ وجاتني تقول لي ..
انا لمن جيت ناديت ولدي بصوتي وعليت صوتي هو انتبه وانهى الكلام مع ولدي وقال هذا رقم تلفوني لمن يجي ابوك اعطيه اياه وهذا اسمي فلان الفلان ..

اللي خوفني يابنات ماهو وقت تعداد ابدا !!
وكلمت زوجي على طول قلت له الموضوع قال مو وقت تعداد واذا فيه تعداد انتي اول من يعرف لاني اشتغل معاهم وجلس زوجي يحقق معي ليش وليش ..
وانا خايفة مرة ومتوترة ..
انتبهوا واحتاطوا
والله يرد كيده بنحره..


بضيف نقطة ماذكرتها من العجلة: يابنات رقمه شفته في النمبر بوك باسم امرأة مو باسمه اللي قاله لولدي
ثم انه مامر على الشقق اللي تحتي كلمت اهل زوجي قالو ماجانا