خايفــة علــى بنتــي من ســوء التغـذية ..الله يفـرج ويخلــي لها عيالهــا اللي تساعدني

شوفي حبيبتي لا تستخدمين لها أي شيء توها صغيره توها مولوده والظاهر من كلامك إنها ماتحب الحليب الصناعي وتبغى الطبيعي ونصيحة مني أنا كنت أرضع عيالي الصباح الحليب والظهر رضعة التمره ( لأنها أفضل شيء للطفل ) وطريقتها تغسلين لها خمس أو سبع تمرات طبعا لينه وتغلين مويه وبعدين تصبينها على التمر بعد ما تهرسينه وتغطينها ربع ساعه وبعد كذا تهرسينه مع المويه بالملعقه وتشخلينه وتصبينه بالرضعه وإذا صارت فااااتره رضعيها وطبعا لأنها حلوه راح تتقبلها ..
والعصر شربيها منقوع الحلبه مفيييييييييد مفييييييييييد مفييييييد مفييييييييد جدا ( بس تراه يسبب مغص عادي الحين أعطيك طريقه تريح بنتك )..وعطيها مويه بين فتره وفتره ..
وباقي اليوم متى ماجاعت أو بغت رضعيها ..وبالليل طبعا الحليب ..

ولإزالة المغص من البطن :
بعد المغرب جيبي زيت جونسون ودهني بطنها فيه مع زيت زيتون ودهنيه من فوق لتحت بشكل خفيف وارفعي لها رجولها لبطنها يعني تثنين رجلها لين بطنها وتسوينه تقريبا ثلاث أو أربع مرات وراح تشوفين كيف ترتاااااح بس بشووووووووووووييييييييش عليها حركات خفيفه مره ..

يارب ياحي يا قيوم ياذا الجلال والاكرام

اسعد همس هتان وخلي لها عيالها واحفظهم واجعلهم من الصالحين

تسلمين يا قلبي طيب انا نفسي اجرب لها الحلبة بس مو الحين

الحين احسها صغيرة مرة مرررررررة ؟

وكمان يا قلبي ربي يسعدك

رضعة التمرة هل أبدأ فيها من اليوم يعني من عمرها الحين وربي يوفقك ويسعدك ويخلي لك كل غالي

كانك توووك مالك الا اسبوع اسبوعين طبيعي كل هالمعاناة مع الرضاعه لاتخافين
بالنسبه للمغص قبل النوم في الليل صبي على سبع حبات يانسون وسبع حبات حلبه عشان تقويها ماء مغلي وخليه يبرد ورضعيها اياه في الليل
وموية غريب في الصيدليات زينه مره مره بس خوذي الانجليزي الهندي تقليد
وبالنسبه لك اشربي مغات يدرر
وبنتك عجازه تبي شي جاهز عطيها رضعه صناعي فقط في الليل وخليها تجوووع معليش انتي بيضيق صدرك لكن عشانها وعشانك تنحفين وينشد جسمك ويرجع رحمك لوضعه الطبيعي
واجلسي جلسه عدل وطلعي ديدك زين
خليه ينزل احسن وشفطي ديدك وطبعي تنام
مع الوقت اذا صار لك حول شهر تبي تتعدل
دوري بقوقل او يوتيوب طريقة الترضيع الصحيحه
بس اهم شيء نفسيتك لاتضيقين صدرك
واعتبري الوضع عادي لأنه صدق عادي طمني نفسك وهبطيها احسن لأن النفسيه تأثر على التئام الجروح والطفل بعد
وعطيها يوميا تمره صبي عليها ماء مغلي واشخليها يعني موية التمر تلين البطن وتمدها بعناصر غذائيه قيمه

أولأ الحمد لله عسلامه
والف الف مبرووووووك وياجعلها من الصالحات يارب

شوفي حبيبة قلبي بنتي مثل بنتك بضبط اقسم بالله اني مستغربه من رضاعتها ماترضع كثير وتناام ولاتبي تصحي عشان ترضع
انا قبل عندي ولدين مشاء الله تبارك الله يصحون كل ساعتين او ثلاث يرضعون اما بنتي هذي غير حتي وزنها مرره قليل 2 و300جرام مرره نقطه خخخ
يمكن البنات غير مادري
بس فيه شي قالت لي عليه الدكتوره قالت اذا البيبي نايم لاتصحينه عشان يرضع لأن غذائه اكثر بنوم
لاتخافين ياقمر ترا الوضع عادي
وعلي طاري الحلبه ماأنصح تعطينها الحين حتي الدكتوره نبهتني منها قالت لاتعطينها حلبه ابد
مأدري ليه
ولما سألتها عن اليانسون قالت مره كويس فأنصحك تعطيها يانسون يبعد الغازات ويريحها
وانتبهي انتي بعد لاتبردين لأنك ممكن تنقلين لها الغازات
الله يخليها لك ويصلحها
وترا كل اللي ذكرتيه صاير معاي فلاتشيلي هم ابد

الله يسعدكم حبيباتي

والله اسعدتوني ونفستوا عني

عندي اسئلة تعقيبية ان شاء الله ارد عليها لآني حاليا مشغولة بظيوف بس حبيت اطل على الموضوع بسرعة

بس عندي سؤال سريع هل عادي الطفل يقعد ست ساعات بدون رضعة أو رضعة طبيعي خمس دقايق فقط؟؟؟

لآني أنا وزوجي مرة قلقانين بشكل ما يتصورونه

الله يقدرنا على تحمل المسؤولية