خايفه احسدهم

بنات زي مب واضح لكم بالموضوع انا صرت
اخاف على اختي وصديقتي بسبب اني احسدهم
ماشاء الله اختي تجنن
وصديقتي ملكة جمال
دايم بيني وبين نفسي اتمنى اني زي جمالهم
يعني انا كبيره تعديت ٣٠
لكن ماحد يبيني
اختي صغيره ٢٢وكلن يبيها وكلن يخطبها
صديقتي اصغر مني ب ٤ عمرها٢٧
وكلن ميت عشان ترضى فيه
لدرجه بيني وبين نفسي اقول انا بنت
ومنهبله على اشكالهم واجسامهم وشعورهم مالوم الرجال!! الرجال نفس الشي يبون زي كذا
مايبون وحده مثلي لاشكل ولا جسم ولا شعر!!
انا متاكده اللي فيني والنقص بسبب الي حولي
يعني دايم اختي
وصديقتي يحسسوني اني شينه
زي يصورون بعض
بس ماعمرهم صورو معي
يحبون يستعرضون ببعض ويطلعون اماكن
مع بعض وينسوني ماكاني موجوده
لاني بس مو حلوه مثلهم
دايم يحسسون اي احد يخطبك لو طفران
لو اخلاقه مي حلوه يقولون استخيري انتي
كبرتي انتي مافيك مميزات
ترا الرجال يهمهم للعمر والجمال و و !!
طيب شذنبببببي انا
انا اعرف ان كلامهم صح والرجال كل همهم
الشكل اقسم بالله ان ٨٠ بالميه
اخر همه نفسية البنت واخلاقها معاه
كل همه شكلها كيف لونها كيف شعرها كيف
طيب اللي مثلي !!
هل ممكن معجزه تغير وضعي؟
هل ممكن الله يكتب لي نصيب حلو ويحق لي احلم مثلهم؟
او لاني شينه واقل من عاديه مايحق لي
مشكلة اختي وصديقتي صح يحبوني واحبهم
لكن ماخذين فكره غلط مره مره
ان النصيب الحلو
والشخص الحلو
والشخص الطيب اللي يحب زوجته
والفلوس هذي بس الجميله تستحق تحلم فيها
لكن انتي عاديه او شينه مايحق لك
وش عليه يحبك!!
مو بس نظرة اختي وصديقتي للاسف
اغلب المجتمع نظره المراه للمراه كذا
يعني استغفر للله اللي فيني مايتعدل
والله بدون قصد اني اشوف شعر صديقتي
لما تتروش يطيح حرير لاتحتاج بروتين ولا استشوار وانا استحي اتروش عند حتى اختي
عشان اذا نشف شعري ماتشوف كيف ليفه وخشن ومنفوش قصري ماكاني بنت تعدت٣٠
كاني ام ١٥سنه وجسمي رسمته شينه
يعني العيوب اللي فيني خلقيه شي ماقدر اعدل
لاطول ولا شعر ولا رسمة جسم ولا رسمة وجه ولا شي فيني صاحي استغفر الله يعني مافيني ميزة جمال وحده احد يحسدني عليها
وغيري ماشاء الله احصلها كل الميزات فيها
شعر جسم بشره عيون فم خشم مرسوم جسم مرسوم !!حظ كويس انا مابي اصير كذا ولا ابي احسد غيري لكن تعبت من حياتي
تعبت من نظرة الناس لي ونظره صديقتي وغيرها اللي يحسسوني اني ولا شي بدون شكل
والله اللي كتبته نقطه من بحر
انا جاني تنمر من اقرب الناس لي اللي هي امي!!
جاني تنمر اكثر من موقف بالمدرسه
تعرفون المراهقات زمان عادي تقول الكلام لو جارح
جاني اشياء كثيره
لدرجه ان ثقتي تحت الصفر
لدرجه صرت احتقر نفسي واكره نفسي
واحس بكل شعور شين جنب صديقتي واختي واي وحده حلوه
لدرجه صرت اقول جوات نفسي يحق لهم واثقين
حلوات مب انا 
يحق لهم يشوفون انفسهم حلوات
لدرجه ماصار لي شخصيه قدامهم بسبب شكلي
!! صرت احس بتهمش وشخص غير مرئي من اللي حولي بسبب شكلي صرت استحي ولا اقدر
احط عيني بعين احد واتكلم بكل جراءه
واكره شي عندي احد يجلس يناظرني وهو
يتكلم او يتامل ارتبك واجلس اتلفت
مابي احد يتامل شكلي