خايفه اصير صلعه ساعدوني الله يخليكم.

السلام عليكم.

خواتي حبيباتي بنات حواء

داخله على الله وعليكم انكم تلاقون لي حللللللللل مع شعري والله العظيم يا بنات

ما اباااااااااالغ من خوفي ورعبي كل ما اجوف شعري فى المنظره وين راااااااح

كان اشحلاته يجننننن نعومه ولمعان ما بقول كثافه الله يشهد ان كثافته كانت معتدله

اللحين تعاااااااااااالوا جوفوه.. مأسااااااااااااااه ثلاث ارباعه طااااااااااااح يتساقط

بشكل فضيييييييع خاطري مره بس امشط شعري وما يطيح شي منه مو شعره ولا

شعرتين والله فوووق العشرين شعره تقريبا قلبي يتقطططططططع عليه صرت ما احب

اعدله او اسشوره معظم المناسبات مغطيته او لامته اخاف احد يفشلني ويسألني وين

راح شعرج؟؟ والله اتحسررررر عليه كل لحظه وكل ثانيه لكن كله مني تعبته واهلكته

من الصبغات ونسيت عمري صرت امشي على الموضه كل ما طلعت صبغه سويتها صار

ينضرب فيني المثل يوم شقره ويوم سمره ويوم شهلا اييييييييييييييه راحت هذيك الايام يا

ليتهااااااااااااا ما جات اصلا انجان اللحين انا وييييييييين وشعري وييييييييييين :(

أخر مره صبغت شعري سويته اشقر مع خصلات بنيه وبيج صج صار روعه لكنه حت

شعري حتاااااااااات يعني تساقط بشكل مرييييييييييع والشعره صارت مطااااااااطيه كأنها

نايلوووووون اول مره يصير شعري جذيه ومن هالصبغه خلااااااااااص شعري انعددددددم

والله كلفتني كثير هالصبغه ماديا ونفسيا وصحيااااااااا خسرت فلوس على الفاضي وما نابني

غير تساقط شعري وحالتي النفسيه الزفففففففته بسبه شعري.. فكرررررررت وفكرررررررررت

قلت خلاص.. أأأأأأأخر حل... اني اصبغه لون غاااااااااااامج علشان اغطي اماكن الفراغات

اللي فى شعري واخترت اللون الاحمر الكرزي يناسبني وايد وليوووووووووووووووووووومكم

ما لمست شعري ابدااااااااااااااا يعني صار لي تقريبا اربع شهوووووور ما سويت فيه شي.

طبعا الصبغه تقريبا رااااااااااااااااااحت وحسيت لن لون شعري الاصلي بدا يطلع بس المشكله

هي التسااااااااااقط.. مو راضي يخف او يقل.. بالعكس احسه كل يوم قاعد يزيييييييييد وخااااااايفه

يجي اليوم اللي اصير فيه قررررررررعه ما اتمنى هاليوم يجي ساعدوني خواتي واللي يرحم والديكم

اللي عندها حل لااااااا تبخل به عليي انا اختكم اكسبوا فيني اجرررررر والله العظيم بدعيلكم خصوصا ان

شهر الله ما باقي عليه شي ودددددددددددددي اسشور شعري حالي حال الناس.. واستانس ابه يوم

العيد مع خواتي.. ارجوووووووووكم.. ساعدوني وفرحوا قلبي الله يفرح قلبكم ولا يبليكم باي سوووء.

وأأأأسفه على الاطاله من حرقه قلبي والله :(

وعليكم السلام.