خايفه اعتمد على نفسي ويشيل يدة من كل شي

السلام عليكم بنات انا عندي موضوع ومحتاجة اراء استفيد منها
انا متزوجة من فتره وضروف زوجي صعبه شوي بحكم انه يصرف على اهله الحمدلله يمشيلي مصروف كل شهر اللي يقدر عليه وحتى لو احتجت احيانا ومصروفي خلص يتسلف او يبيع جواله عشاني المهم انه مو مقصر لاكن احيانا احتاج اغير اشياء ببيتي ونأجلها كل شهر بحكم الضروف عندي دورة المياة وانتو بكرامه ببيتي ابدا مو حلووه تفششل قديمه والوانها كئيبة وافكر اغيرها وقالي ان قدرت غيرتها وكل شهر نأجلها فكرت انا اسويها بفلوسي الخاصة بيجيني مبلغ هالشهر من اهلي وهو عارف هالشي ففكرت ان ماقدر انا اضبطها وارتاح لان احتاج اعزم صاحباتي واهلي لاكن انحرج من اشياء بالبيت ناقصه وبنفس الوقت اخاف اسويها وبعدها يعتمد علي ويشيل يده ويتعود انا ادبر اموري بنفسي انا معودته اي شي بالبيت مالي شغل فيه هو يسويه مصروفي بالعادة خاص فيني بطلعاتي مع اهلي ولبسي ومكياجي وبس حتى لو بقى ماياخذ منه عشان كذا اخاف افتح على نفسي باب مقفل ويجي بباله اني دبرت نفسي مره بقدر ادبرها طول العمر وش رايكم ؟؟