خايفه تكون ولادتي عمليه بسبب راس الجنين فوق

وعليكم السلام ورحمة الله
بصراحة كلام الدكتورة صحيح لأنك بآخر حملك وحجم الجنين كبير صعب يقدر يتحرك بس ما في شي صعب على رب العالمين بقدرته
إن شاءالله يتحرك لوضعه الطبيعي وتولدي طبيعي
بنت حمايي صار معها متلك بآخر حملها بس رغم هيك ولدت طبيعي بدون عملية بس تعذبت بالولادة كتير أنا برأيي إذا استمر وضعك هيك العملية أيسرلك وربي يكتبلك يلي فيه الخير وتقومي بالسلامه انتي وطفلك🌹

الله يفرجها عليك وينزل راس الجنين تحت وماتحتاجين عمليه
ومافيه شي صعب على رب العالمين انتي ادعي قبل الافطار وألحي على الله بالدعاء وبأذن الله انه ينزل راسه تحت
اعرف لك وحده بس انه بالعكس كان راسه تحت وانقلب وطلع فوق بس انها كانت تاخذ شي من تحت السرير وتقول سبحان الله حسيت فيه يوم قلب وكانت في التاسع وولدت بعمليه فماراح يجيك الا الي كاتبه ربي لك بس كثري استغفار ودعاء

اختي اذا انتي مو بكريه بينرززل حتى وقت الولاده عندك وقت وفي دكاتره يلفون البيبي لاتشيلين هم
ادعي ربك واستغفريه
الله يهون عليك وعلي ويرزقنا الولاده الميسره

اللي مو بكريه يلف حتى وقت الولاده مرت اخوي كذا الدمتور مادري شيوه ولف وقت الولاده وولدت طبيعي الحمدلله
والله ييسر لك اللي فيه خير لك

هلا اغصان ... انا كان نازل راسه تحت ... وقبل كم يوم رحت احس حركات الجنين شقت جنبي .. يوم شافه الدكتور قال الراس معترض ... نسال الله العافيه والسلامه ... عندنا دكتوره وحده تلف الجنين المعترض .وللاسف نقلت من المستشفى ... دورها زوجي وماترك احد ماسال عنها ... وحصلناها بمستشفى خاص ... رحت لها . وحطت السونار قالت الراس تحت ماشاءالله تبارك الله .. بس احتمال يرد يعترض..... رحت امس المستشفى والدكتور يقول الراس معترض وفوق ... استغفر الله العظيم واتوب اليه ... وانا نفسك ٣٧ اسبوع .. يارب تيسر لنا وترحم ضعفنا ،، اللي مخوفني رفيجتي كانت نفس وضعي .الجنين وضعه مو ثابت . وقت طلعة الراس انحرف واعترض وحولوها عمليه بعد ماشققوها من تحت ... يارب ترحم ضعفي وتيسر امري . الدكتور يقول لازم يكون وضع الجنين بالاسابيع الاخيره ثابت ... اذا وضعه مو ثابت ويتغير يمكن ينحرف او يعترض اثناء الطلق ... يارب تفرج همي وتيسر امري وامر اختي اغصان الشمال ...