خايفه زوجي يطفشششش مني

سلاااام ياااحلوااات

عندي مشكله ووونفسي اتخللللص منهااااا قبل لاابو الشباب يطفشششش

وهي((طلبااااااااتي كتيييييرة)) يقولي انتي طلابتك فووووووووووووق الازم

مع انو هادي العاده وانا بنت قبل لا اتزوج وبابي الله يخليه نصحني قبل لااتزوج قاالي

ياابنتي ترى الرجااال مايحب الحرمه اللي طلبااتها كتيرة

وكنت عند اهلي مرررة مدلعه يعني لما اطلب الشي لاااااازم يستجااااب واقعد ازززززززن الين مايجيبو لي طلبي

واتزوجت وبرضو هادي العااااده فياا والله نفسي ابطلهااااا بس انا مااحس بنفسي

زوجي الله يرضى عليه ويسخره ليا ويحنن قلبه لعياله مرررة طيب وحنون ويلبي طلبااتي

بس احيااانا يتضايق من طلبااتي الكتيرة يقولي انتي احيانا ماتنعطي وجه

وانا مقااضيا كانت في بدايه زواجي ماتتعدى 300 ريال دحين سارت 400 و600و800ريال

وانا عيلتي صغيرة حتى ام زوجي تستغرب من سعر المقاضي تقول انتو ايش تشترو

انا اللي عيلتي كبيرة ماتتعدى 500 ريال

اقولكم مقاضياا بين شهر وشهرين ((كرتون او نص كرتون دجاج +2صحن صدور دجاج+3حبات مفرومه

ومجمدات((برجر+ناجت+نقانق+بطاطس)) دقيق +زيت+بهار+ادوات نظاافه+نسكافه))والله مادري ليه تطلع الاسعاار ناار

وانا امووووووت ع الشيبساااات ولما اقول لزوجي اشتريلي شبس يقعد يضحك يقول انا عندي 3 بزورة

وهو اذا طنت في راسه يشتري شيبسات وعصيرات ويجلس يجيب الشطه ويلا نسوي حفله

والله مااعرف ايش هو الشي اللي ماله داعي في الطلبات يمكن انا من النوووووع اللي احب اطلع واتمشى واروح مطاعم
واحب اخرج الصغار وانفههم هو مايقول شي بس احيانا يقول ماله دااعي طيب احترم رئيه مااقعد ازززززن

يعني زي دحين اقرررب شي سااار عندي مناسبه اللي هيا شبكه اخوه وفرحه بعد 3 شهور طيب

عندي فستان الفرح وكان عندي فستان الشبكه بس لما نزلت المول كنا بنتمشى شوفت فستااان

خطييييييييييير ومسوين عليه تخفيييييييض عجبني صرااحه سعره وع طول اشتريته طيب

قالي مشتريه بلوزة وتقولي فستان قلت له لالالا مارح البسه كده الموضه دحين اني البس كيلون طويل

والبس بوووووت وعند خالتي بوووووت ماشاء الله حلو يتلبس فووق الركبه قلت استعيرة منهاا

الحمد الله احنا عادي بيننا نستلف الاشياء من بعضهاا طيب الفستان اللي اشتريته ناقصه اكسسورا

وانا ماحب البس كتير يعني يدوب حلق طويل وخاتم وساعه بتضحكو اذا قلت لكم ماعندي لون اسود

وهو الفستان لايق عليه اكسسوار اسود وعند المول صراحه شويه غالي الحلق ع 80 والخاتم ع 70

قلت له خلاص في مكان تاني يبيع ارخص واحلى قالي خلاص ماااااله داااعي قلت له ابغى اطلع مررة كشششخه
في شبكه اخوك قالي مو لازم وبعدين اذا جااتك عين تعاالي ابكي عندي قلت خلاص اشوف احد من اخوااتي

هاداو اول طلب قالي ماله داعي وطلباتك كتيرة طيييب

تاني طلب قررت اخرج طاوله طعام برررة في الصاله بس قلت ع العيد افصل لها قماش واسويها مثل

طاولات الافراح عجبته الفكرة وانا راح يجوني ضيوف يوم الخميس وحاابه ارتب البيت طبعا

قلت مارح يمديني افصلها قلت اشتري وسادات تنحط ع الكراسي وقلت له سكت ماقال شي

روحنا اول سوق وماالاقينها وبعدين كنا في المول واخدت ورقه بنده ومااشفت الورقه الا لمار جعت البيت

من حظي السئ ولما افتحها الاقيه مسوي ع الوسادات اللي نفسي اشتريهاا عرض

المهم وريتها لزوجي وقالي بعدين هادا الكلام الاحد قلت له العرض يخلص يوم التلوت يعني بنروح بكره ع يوم الاتنين

قال طيب وروحنا تاني يوم ومااالاقي غير 2 بس وانا ابغى 6 الباقي كلهااا الوان مااحتاجهااا

قالي بس مالقيتها خلاص امشي نرجع البيت قلت له لا في مكان اكيد راح نلاقي عنده

وااااي ياابنات وانواااااع الصراخ والتهزئ وطالباتك اللي ماتخلص ترى طفشششششششششششت

قلت له مو ليا هادا للبيت قالي عساه البيت مايكمل

يابنات عن جد حسيت فيه انه طفش بس والله مو قصدي اكيد كل وحدهه تبغى تشوف بيتها من احسن

مايكون وهيا تكون في كامل اناقتها

انصحووووني ايش اسوي

قلت لزوجي خلاص مارح اطلب منك شي قالي دايما اسمع دي الكلمه وتطلبيييييي

عزمت انو مااطلب شي ابداا

لايروح فكركم انه زوجي بخيل لا والله الحمد الله الله يديم النعمه بس انا صراحه مانعطي وجه

انصحوووني جزاكم الله خير

ومعليش ع الاطاااله بس هادا الموضوع جداا مخوفني

واقسم بالله انه في وحده قريييييبه لنااا تركها زوجهاا من طلباتها الكتيرة وكل مااسئلوة رجع حرمتك

يقول طفششششششششت من طلباتها

والله خاايفه توصل الامور لكده مع احنا لنا 5 سنين متزوجين

واللي ماعندها حل اتمنى ترفعو الموضوع