خايفه على ابنتي

بنتك مراهقه
ودايم التمرد يجي بهالسن
على زمانا كان الشات اكبر المصايب
الحين احنا بعصر تويتر


بنتك يبي لها طولة باااااال
خليها تبربر وتنفس وتتكلم
صدقيني اللي تبربر ماتسوي شي
اذا طلعت اللي بخاطرها
وحست انها قويه بالكلام
بتفش وتنام وبس


اهم شي اسمعي لها
ولا تقاطعينها ولا جادلينها
لا تحسسينها انك بتيار ثاني
وتصير كنها حرب بينكم


اذا قالت ابي اسافر واهاجر
قولي انا اللي ابي اهج منكم وافتك
وقومي وخليها
فهمتي؟


لا تعطين كلامها اهمية
ولا تنشغلي بتصحيح افكارها
هذا يخليها تعاند اكثر
تقبلي كلامها عادي
فتره وبتعدي باذن الله

وليش خايفه هالقد ؟
الحل هو فتح باب الحوار والنقاش العقلاني المنطقي
اسمعوا لها حتى لو افكارها ماتعجبكم
واذا قالت المرأه ليست بهيمه ليش يخوفك هذا الكلام ؟ قولي لها فعلاً المرأه لها احترامها وليست بهيمه
واذا على السفر برضو لا تعارضينها بس اسمعي منها
المشكله اذا الأم والأب واقفين على افكار الاجداد ومو قادرين يجارون اولادهم وبناتهم في الافكار
ولا قادرين يجادلونهم باللتي هي احسن
بل ان الاهل يخافون اذا شافو بناتهم يفكرون ويبحثون على طول يكممون افواههم ويعارضونهم
الوضع بنتك يحتاج طولة بال واخذ وعطاء بدون تشدد ولا تطرف شجعيها تبحث عن العلم والحقيقه
وليس ان تكون تابعه يقودونها جماعه مثل ( البهيمه ) حسب وصفها
الجماعه اللي يطلقون على انفسهم نسويات ليش مانشوفهم مع الوطن والدين ودايماً ضد كل قوانينه وانظمته
لكن بنفس الوقت عندهم استعداد كامل ينصاعون لقوانين وانظمة الدول الاخرى بكل سرور ليش ماقالت عنهم بهيمه
الطبيعي ان كل بلد لها انظمتها وقوانينها اللي تحترم وتطبق من كل مواطن ومقيم يعيش على ارضها
واذا بتتكلم عن الحريات ترى محد له عذر لان السعوديه اليوم فيها مساحه من الحريه وانصاف اكثر بكثير للمرأه من السنوات الماضيه يعني محد له عذر
قبل كانو يحتجون بالسواقه وطلعت لنا لجين واللي على اشكالها تكسر القوانين والانظمه وتطلع تسوق بدون رخصه
ولو انها في بلد اجنبي كان قالت للقوانين والانظمه سمعاً وطاعه حتى لو انها ماتعجبها !!
الزبده بنتك تحتاج حوار ونقاش واعي واذن تسمع لها بصبر وهدوء
في بنات كثير مثلها يعيشون تناقضات بإسم الدين والاسلام ومالقوا اجوبه شافيه مريحه مالقو غير التشدد والاقصاء
وفي بنات ربي رزقهم بأهالي متفهمين وواعيين وعندهم قدره يناقشون بوسطيه واعتدال وعندهم حكمه وصبر
وشجعوا بناتهم يبحثون عن الحقيقه الضايعه ويقرأون ويسألون وبين كل فتره يناقشونهم ويشجعونهم انهم ماينصاعون وينجرون خلف تيارات اساساً تقاد من دول اخرى لها اهدافها
اللي يبحث عن الحق يتجرد من كل التيارات ويبحث عن الحق فقط ان كان صادق

اختى هذاابتلا من الله بنتك مراهقه الله يصلحهاويهديهامالك الاالدعاءلهاواستودعي الله سمعهاوبصرهاوفرجهاعن الحرام وادعي لهافي قيام الليل وتصدقي بنيه ان الله يهديهاويفتح على قلبها

طيب بنتك صادقة المرأة ليست بهيمة قولي ايه فعلا المرأة مو بهيمة
وبالنسبة للسفر لحالها الحين بينلغي تصريح السفر وتصير المرأة تسافر لحالها
بنتك واعية لا تخسرينها اكسبيها وشوفي افكارها
اصلا تعرفين وش يعني نسوية؟

الله يهديها للطريق المستقيم


اكثري من الدعاء
الله يفرج همك