خايفه على اخوي من كثر همه

الله يشفه ويقر عين اخوك فيه

اختى اعتقد والله اعلم ان الولد سليم من التوحد بما انه يحب الحضن ويتواصل بصريا شى طيب

بس ممكن المشكله فى السمع اختى لازم تعرضو الولد على استشارى سمع وتعملو اختبار السمع بالكمبيوتر
لان ممكن عدم كلامه راجع انه مايسمع زيين ومايسمع الا الاصوات العاليه
انتم جربو نادوه بصوت واطى ونادوه بصوت عالى وشوفو
او حتى استخدمو الصفير وجربو
ممكن يكون فيه التهاب فى الاذن الوسطى لاتتهاونو ممكن تسبب ضعف فى السمع بس بالمضاد ان شاء الله
يرجع يسمع اى انسان مايسمع زيين صعب يتواصل مع اللى حوله او حتى يفهمهم هاذا نقطه مهمه لازم تنتبهو لها

وفيه اطفال سليميين بس يحتاجون تواصل من الاهل ممكن مايجلسون معاه كثير وتاركينه على التلفزيون لازم يتكلمو معاه
وكلام مفهوم ويقللو جلوسه قدام التلفزيون اهم شى تصرفاته طبيعيه
لساه صغير لا تخافون بعض الاطفال خاصه الاول ممكن يتاخر بالكلام بنتى البكر دخلتها التمهيدى وكان السبب الاول ان كلامها مكسر ولا ينفهم
يعنى وصل عمرها 5سنوات وهى يالله اللى حولها يفهم عليها وبعديين انطلق لسانها
الله يطمنكم عليه

سبحان الله ذكرتيني بالذي مضى انا طفلي الاول كان مايتواصل كثير مع الي حوله وقليل كلام وكثير حركه

والله العظيم ان وحده من خواتي الله يهديها خوفتني قالت ولدك شكله فيه توحد لانه بس يلعب وما يتكلم كثير حتى معي في البيت ماكان يلعب كثير دايم على التلفزيون وعند الناس عدواني مع الاطفال يضربهم ومايتكلم

بس مجرد كمل ثلاث سنوات بدت شخصيته تتعدل وبدى يندمج اكثر

وانا اعتقد لانه كان وحيد في البيت وانا الله يهديني كنت اخليه على التلفزيون كثير واشتغل في البيت وماكنت اعرف اتعامل مع الاطفال أودلعهم احسه محتاج اكل وشرب ونوم ونظافه وكم ظمه على الصدر وخلاص

اللحين عمره 14 سنه مافيه الا العافيه اللهم لك الحمد شخصيته حلوه ورسمي مع الناس يعني طبعه كذا حتى مع خواله وعمانه مايمزح الا بحدود بس مع اصدقائه انواع الاستهبال

وعيالي الي بعده يازينهم وهم صغار لعب وحركات وخفيفين دم يموتونا من الضحك ليه لان قبلهم اخ يحسون انه صغير معهم بنفس البيت يلاعبهم ويلعبون معه واحنا صرنا نعرف نتعامل مع الاطفال من حيث اللعب معه واعطائه من وقتنا

والطفل الاول تجاااارب سبحان الله

انا اعتقد يااختي ان ولد اخوكم يشعر بالوحده البيت فاضي عليه لاصار لحاله وما قبله اخوان يصير ثقيل دم وقليل حركه هذا رايي بس مايمنع تتاكدين من السمع مثل ما قالت الاخت اللي قبلي

والله يخليه لكم ويقر عين والديه فيه

سلامته من المرض ان شاء الله ما فيه شيء
فيه اطفال هالشكل ومع الوقت وكثرة الاحتكاكات تزيد قدراتهم ووعيهم
حالوا دائما تطلعونة وتكلمونه وتلعبون معاه على طول وترى علاج التوحد بسيط جدا بالاهتمام والتركيز
وقد ما يكون عنده بس توهم
وما يمنع انكم تعرضونه على طبيب اطفال يشييك على كل شيء فيه
وما يشوف شر
واتمنى انك تبشرينا عنه خير
سلامته ما يشوف شر

لاان شاءالله مافيه شي طبيعي

انا اشوف الولد طبيعي مافيه شي ولد اختي بيكمل 4 سنين ومايقول لا بابا ولاماما وشافه الدكتور ويقول طبيعي مافيه شي بس بعض الاطفال يتاخرون بالكلام
الله يهديكم ليش شكيتو فيه توه صغير