السلام عليكم
باقولكم بنات وضعي قبل ابدا مشكلتي .. انا متزوجه من 17 سنه وعندي ثلاث عيال الله يحفظهم
زوجي شدييييييد مره علي وعلى عياله انا ماراح احكي عني ،،
انا الي مضيق صدري عيالي شديد عليهم مره واي غلط بسيط منهم
يعاقبهم يا انه ياخذ جهازهم ويحرمهم حتى من التلفزيون
او من الطلعه لبيت اهلي لانهم ينبسطون كثير هناك
الغريب انه اشد على ولدي الكبير من الصغير ( الكبير 15سنه والصغير 14 )
من اول ماكان ولدي صغير كان يعامله بقسوه
عكس اخوه الي اصغر منه ،،،، الفتره هذي صراحه كثرت غلطات ولدي الكبير
بس انه يبالغ مررره في عقابه والتعامل معه والله ماكانه ولده !!
حتى اذا كان راضي عنه مايكلمه زين وقليل مايضحك معه .. حتى اخوانه
يقولون بابا واضح انه مايحب ..... واهاوشهم اقولهم لا تقولون كذا مافيه ابو مايحب عياله.
قلت له مره هالكلام قال لاااا كلهم سوى وماادري ايش ،،
الي زاد معاناتي اليوم يوم هاوشه وعاقبه ( عشان جايب درجه ضعيفه وقاله ولدي ان الاستاذ غلطان ) مثل العاده بس كان مرره معصب قال والله
ل أطردك من البيت اذا ماجبت لي تقرير من الاستاذ ان الدرجه الي جبتها غلط .
هو عطاه فرصه من كم يوم بس ماجاب التقرير من الاستاذ .يوم راح ابوه واهدي فيه
كان ولدي مره معصب وحسيته متمرد هالمره غير المرات الي فاتت يصيح ويسكت ،،
هالمره قال احسن خليه يطردني ولو ماطردني انا ابطلع ..
قسم بالله ضاقت فيني الدنيا !!! حسيته خلاااااص ماعاد فيه يتحمل معاملة ابوه..
انا عارفه ان ولدي فيه اخطاء كثيره بس طريقته في التربيه غلط احس ومبالغ مره..
يعني المواد الي شاطر فيها مايمدحه بس يمسك عليهم الي ضغيفين فيها ،، مايشجع ابد صراحه ..
ولدي الي اصغر منه بعد صدمني اليوم بعد هالمشكله قالي ياليت اعيش متشرد ولا اعيش
في هالبيت :(
طبعاً ماسكت قعدت اقوله عن الي عايشين ببيوت اسوأ منهم وانا
خانقتني العبره ماودي عيالي يحسون هالاحساس ...
وش رايكم بنات كيف اتعامل معهم والله احسني ضايعه بينهم..
وهل عادي اسلوب تربيته هذي ؟ هل فيه اقسى من
زوجي على عياله ؟
وودي بمواضيع او مقاطع يوتيوب عن معاناة
اولاد او اسر ( الله يفرج لهم )لاني اقول لولدي الصغير ابجيب
مواضيع ناس اسوأ من عيشتكم عشان تقتنع!!!!!
مع العلم انه مايقصر عليهم بشي من النواحي الثانيه،،
لاتقولون قولي لزوجك يخف عليهم ياما قلت له يعصب علي مررررره
ويقلب السالفه علي .. دايم ادعي ان الله يحنن قلبه عليهم ..
خايفه تأثر معاملة ابوهم على شخصياتهم بعدين ونفسياتهم
ياااااارب افرجها يارب
حظ أوفر.. @hth_aofr_1
عضوة نشيطة
يلزم عليك تسجيل الدخول أولًا لكتابة تعليق.
قلبي له
•
زوجك متل ابوي بس ابوي اشد و كلو ضرب و الخ
المهم حبيبتي انت احتوي اولادك و عوضيون عن ابون و جربي للمرة الالف تليني قلب زوجك عليهن
المهم حبيبتي انت احتوي اولادك و عوضيون عن ابون و جربي للمرة الالف تليني قلب زوجك عليهن
نصيحه دخلي جدهم ( ابوك ) قولي لزوجك انا ما تعودت اشوف اب يعامل اولاده بهالشكل انت بتكرههم فيك و في الحياه الأسريه اضغطي عليه و ارفضي رفض قاطع طريقته مع اولادك , اذا هو تعقد في صغره فلا يطبق عقده على هالمساكين وخليها توصل للسحاب بينكم كله ولا يعقدهم ,
الصفحة الأخيرة
ابوي الله يحفظه كان وايد وايد وايد شديد معنا بس الحمدلله تربينا احسن تربيه الحمدلله
صدقيني خلي الأب ياادب عياله خاصه الأولاد ولا تدافعين عنهم قدامهم بس قوليلهم أبوك يحبكم ويخاف عليكم وايد
مالج الا الدعاء حبيبتي