خايفه على ولدي تكفون طمنوا قلبي الله يطمن قلب من ترد علي

السلام عليكم حوائيات

بدخل بالموضوع على طول

انا ولدي عمره سنه ونص بالضبط

لاحظت عليه لما اناديه مايلتفت لي

ودايم يحب يسمع اناشيد طيور الجنه

واحيان لما اناديه باسمه وانشد له يلتفت علي اما غيره مايعطيني بال

انا كنت خايفه انه معه ضعف بالسمع بس قلت ماابي اتسرع

بعدها قالت لي وحده ان ولد صديقتها كذا وانها خافت عليه وعرضته على طبيب اذن وقالها السمع سليم

وانها خافت عليه لانه مايلعب مع الاطفال ويلعب لحاله ولاحظت انه يحب فرشه معينه بالبيت واحيان يلحس بالرخام

وعرضته على طبيب نفسي للاطفال لانها خايفه انه معه توحد وقالها انه مايبين حاليا انتظري يكبر شوي

انا خفت بصراحه لان ولدي فيه من بعض تصرفات ولد صديقتها

ينسدح ويلحس بالرخام ولاحظته مايلعب مع عيال اختي بس يمكن لانه مو متعود عليهم

اما اخته اللي معه بالبيت يلعب معها واحيان اشوفها تهرب منه وهو يلحقها

المهم قالت لي بنت عمتي ان ولدها نفس الحاله يحب الاناشيد واذا نادته مايرد عليها وودته الطبيب وقالها سوائل بالاذن وكتب لها مضاد والحمدلله تحسن

وديت ولدي نفس الطبيبه وكشفت عليه وقاست السمع وقالت فعلا معه ضعف بالسمع

والسبب التهاب في الاذن الوسطى بسبب تجمع السوائل

وقالت دايم ارفعي راسه وهو يشرب حليب عشان لاينزل باذنه وكتبت له مضاد وبعد شهر بترجع تقيس السمع

انا خايفه يتحسن السمع ويبقى حال ولدي مايتغير

ويكون لاسمح الله معه توحد :44:

بس انا قريت عن اعراض التوحد والحمدلله مو في ولدي

ومنها انه مايقدر يركز بعينك انا ولدي يركز

ومنها انه ممكن يكون عدائي انا ولدي مسالم جدا لو احد ياخذ من يده لعبته مايدافع عن نفسه

ومن اعراضه انه ممكن يأذي نفسه انا ولدي مافيه هالشي

طمنوا قلبي تكفون ان ولدي طبيعي وبس يكبر يبدأ يتغير

واللي ماتعرف تدعي ان ولدي يكون طبيعي وان ربي يطمن قلبي عليه