خايفه عليه من الكليبات؟

أنا مش عارفه افتتح الموضوع بس أصلي مقهورة من موضوع قريتو في مجلة امبارح عن المقارنه اللي الرجال العرب بيعملوها بين زوجاتهم.
أنا أظن إنك لازم تدلعي راجلك قد ما تقدري عشان يحس إنك أحن انسانة في الدنيا وما يقدرشي يبعد عنك أبدا، حاولي تعملي المستحيل، تتحمليه و متبينيش أبدا إنك مجبره بالعكس تبيني إن راحتك من راحتو وإن كل همك إنو يكون مبسوط، متعليش صوتك عليه ولا تكشري فوشو.
للأمانه أنا لما كان يتدلع أكثر من اللازم وأزهق من حاضر يا حبيبي، حاضر يا روحي، اامر يا حياتي... كنت أروح لأقرب مراية وأفضل أزعق لحد ما أفش خلقي و أرجع بالابتسامة العريضة أقولو اتأخرت عليك يا قلبي، وحشتني؟
المهم إنو ما يزعلش منك أبدا.
خلونا نكلم بصراحه. العالم اتغير أوي تقدري تقوليلي إن في راجل في الدنيا ما بيحبش الجمال؟
المشكله إن المنافسه بقت خطيره ما بقتشي محصوره في أخواتك، صاحباتك وعيلتك. ده بقا في نانسي عجرم وهيفاء وهبي وماريا..... ناس لعندها حيا ولا عندها أخلاق بس لا إحنى قادرين ننكر جمالهم (الصناعي) ولا دلعهم. يبقى الحل إيه؟
لازم أولا تحاولي تهتمي أكثر بشكلك
1- جسمك
2- جمالك
3- لبسك
وقبل كل شيء أنوثتك ودلالك، والخجل هو أحسن مفتاح للفشل هنا، جوزك ده حلالك زي ما قال ربنا سبحانه وتعالى لباس ليكي ومن حقو عليكي تبقي أحلى ست في الدنيا، اتعلميلو رقص شرقي،جيبي لبس مغري... والله إنت في منافسه مباشره مع دول، وملكيش غير حل واحد إن جوزك حبيبك ينصرك عليهم ويقولك إن ولا واحده فيهم تملى عينو. الراجل ده طفل كبيرلازم يحس إنو كل حاجه في دنيتك عشان كده خليكي حنينه عليه، لو بتحبيه استحمليه وعامليه زي أي طفل بحنان وبرحمه.
آخر حاجه عايزه أذكرك بيها إنو مش الحب اللي بيدوم العشره ، الحب بيخلي الواحد أناني، بيفضل طول الوقت يحسب أنا عملت وهو عمل، وانا بحبو أكثر ما بيحبني.... اللي بينجح أي علاقه حب، الصداقة بين الطرفين، حاولي تفهميه تشاركيه هواياتو، مبادئ شغلو، تحسسيه إنك بتخافي عليه، وبتحبيه من غير هدف، شويه شويه حتبقي كل حاجه في حياتو وحتى لو بعد عنك (لا سمح الله ) حيرجعلك ان شاء الله طالب راغب.
بكده تجمعي في عينيه بين جمال الجسد وجمال الروح.

ربنا يخليلكو أغلى ما عندكو ويوفقكو يا رب.