خايفه من الحريقه

يابنات نفسيتي تعبانه وحاسه اني ماني عارفه اكتب او اركز من كثر الوسواس الي تعبني
قبل اسبوعين كنت بالقاهره وقمت اصلي الفجر وصحيت زوجي وهو يصلي لقيت نار تطلع من كيبل الكهرباء حق الشقه وطبعا قعدت اصارخ واقوم بناتي وعيالي من النوم وطلعنهاهم برى الشقه والله من الخوف نسيت عباتي ونقابي وواحد من عيالي الصغيرونين ودخلت الشقه والنار مولعه على المدخل كله واخذت عبايةشغالتي وشلة ولدي وشردت ولا مغطيه وجهي ببطنيت ولدي والله عشت انا واطفالي بذعر ما يعلمه غير الله ونزلنا المهم اتصل بواب العماره بالاطفاء وجاء بسرعه لا لو تشوفوا منظر زوجي ماسك جوازاتنا وتذاكرنا وكرت الصراف شكله تحفه المهم طفوها بعد ما بزورتي تعبت نفسيتهم حتى بنتي الصغيره تقول من الخوف كنت ابنزل من البلكونه اي بلكونه واحنى بالدور ال11 المهم رب العالمين له الحمد والشكر نجانى وحمانى والحمد لله
وجيت السعوديه اول رمضان والله الحكايه ما هي راضيه تروح من بالي واليوم صحانى السواق الساعه 10 الصبح يقول اطلعوا بسرعه كيبل العماره انحرق
ونفس المعاناه بس طلعت فيهم للسطح من قوة الدخان وانا بالدور الرابع قال زوجي روحوا السطح والله لايوريكم ولا يوري مسلم منظر الدخان طالع الى السطح والريحه كتمتنا الحمد لله والشكر على كل حال والدفاع المدني جاء وطفاها والحمد لله قضيت يوم مرعب مذهوله وخايفه ايش السبب هل هي صدفه او اعوذ بالله من الشيطان الرجيم
والله اني ميته خوف اطالع ببزورتي اقول يارب احميهم واحمي الجميع من كل شر والله حاسه ان نفسيتي زفت اعيش نفس الحدث مرتين باقل من شهر وقبل شوي شغلوا الكهرباء امشي واطفي فيها لا شعوريا خايفه منها والريحه من مصر وهي بخشمي والله ما اشم الاريحة حرق اسلاك واليوم شكلها غلقة علي الناقص خشمي قفل:44: ولا احد يسكر بابه من الجيران ادور عبايتي وبزورتي نفسي انام وخايفه يقوموني ويخوفوني ........... بالله ادعوا لي الحمد لله انا عارفه انه ماهو صايبنى الا الي كاتبه رب العالمين بس ايش تقولوا بقلب الام