خايفه من القيصريه ومن وضعي ومن كلام الناس

السلام عليكم


كيفكم يا بنات


انا متابعه معكم في القسم من زمان ودايما ودي انزل موضوعي وفضفضتي لكم لاني ماعندي اي احد اشكي له اللي في قلبي ونفسيتي تعبانه مررره


انا حامل في الشهر السابع وعندي بنتين ومن قبل ما احمل وانا خايفه من القيصريه لاني ولدت مرتين قيصري وهذي الثالثه بتكون وع كلام الدكاتره مافي امل تولدي طبيعي خلاص طبعا سبب القيصري هو بناتي يعني سبب عارض مو ضيق في الحوض او شي
انا مو خايفه من العمليه والمها وتعبها بقد مو انا خايفه من كلام الناس والله انه تعبني وتعب نفسيتي بولاداتي اللي قبل مدري ليه ماحد حس فيني دايما يقولوا لي انتي عمليه وليش عمليه و و والف مره اعيد واشرح السبب في بنتي الاولى ما اهتميت لانه قلت ان شاء الله الثانيه طبيعي
وفي بنتي الثانيه عملت بكل الاسباب وامششي كثييير ووضعي كله طبيعي حتى الدكتوره تقولي بس باقي يجيك الطلق وتولدي بالسلامه بس صار سبب طارى وولدوني عمليه ع طول واتوقع طمع المستشفى لانه خاص
وبعد ماولدت جاني اكتئاب نفاس واستمر عندي فتره طويله وحسيت زوجي بعد عني كثير وكل افكر ليش ولدت بعمليه وكلام الناس واهلي يزيدني لو جايبه تؤام بالعمليه احسن وكلام كثير كانه بكيفي وبيدي ما اسمع كلام يجير خاطري ويخفف عني بس كنت اسكت واجمع بقلبي وما اشتكي لاحد


والحين مهيئه نفسي و وضعي على اني بولد بعمليه خلاص ويختار نصفي وبشوف طفلي وبفرح فيه بس زوجي رافض الفكره ويقولي لا تقولي عمليه بتولدي طبيعي وتوكلي على الله اقوله الدكاتره قالوا لس مافي امل خلاص ليش اامل نفسي وبعدين انصدم خلاص راضيه بالمكتوب
والحين الناس تقولي انتي عمليه وبتولدي بعلميه شنو بتسوي لحالك و و كلام كثير مع اني ما قلت لهم انس بولد بعمليه بس عارفين بحالتي ولاني ناويه اولد في بيتي هالمره بحكم بناتي مدارس واهلي بمنطقه ثانيه احتمال امي تجي تقعد عندي فتره
وغير كذا الدكتوره قالت لي بتجيبي بنوته وانا والله وزوجي راضيين اهم تجي بصحه وسلامه بس الناس دايما يقولوا لي ان شاء الله ولد واهلي ينتظروا ولد واهله وامه تبي ولد وانا متضايقه من كلامهم ومن الكلام اللي بسمعه اذا ولدت
حتى اخواني يقولوا لي ما بتجيبي الا بنت شكلك بمزح مدري مليت طفشت من كل اللي حولي
صايره بس ابكي وحساسه من اقل شي اخاف احد يسمعني كلمه واضعف وابكي قدامهم مابي اكون ضعيفه
وخايفه من الالتصاقات اني ما اقدر اجيب وفرص الحمل بتكون عندي قليله لانه اساساً العمليه يحددوا لهم بس خمسه يعني باقي لي فرصتين بس
اخاف ما اجيب الولد لزوجي والناس ما تخلي احد في حاله
والله شايله هموووم فوق راسي وموعارفه اشتكي لمين اخاف اذا ولدت ماحد يبي بنتي


اسفه ع كلامي الكثير والملخبط بس متضايقه ومو عارفه ارتب كلامي