السلام عليكم
الف الحمد لله على السلامة اختي انك طمنتينا عليكي وانا والله دخلت المنتدى هذا ثلاث مرات اليوم ابي اشوف رد منك بس الحمد لله كنت باروح انام قلت خليني اتطمن عليها انشاء الله تكون ردت وطمنتنا على كل حال الحمد لله على سلامتك وطا لما الاشعه مافيها شي احسن لك لاتسوين عمليات واتكلي على ربك والله يعطيكي الصحه والعافيه ويخليكي حق عيالك واهلك ويخليكي لنا بعد
خوااااااااتي حبيباتي بالأول اشكركم على سؤالكم وخوفكم علي ووقفتكم معاي والله اني حسيت ان الدنيا بكبرها واقفه معاي
خوااااااااتي اسمحوا لي واسفه واعذروني اني تأخرت عليكم بالرد بس الحين راح اقولكم القصه كلها
الله يسلمكم انا يوم الأحد اللي فات لما رحت للأشعه الدكتور عمل لي الأشعه وقالي تعالي استلمي النتيجه بكره طبعا انا رحت عشان استلم النتيجه الا يقولون لي الدكتور ما جهزها المهم بعد اخذ وعطى معاهم عطوني النتيجه وشنو تتوقعون النتيجه ؟؟
النتيجه شي مو زين والنتيجه مو كانت تطمن بالمره الا كانت تخوف انا طبعا انهرت ونفسيتي اتعبت واهلي معاي زوجي من الصدمه ما كان يتكلم والكل تعب نفسيا انا طبعا ما فكرت الا في اطفالي وامي واختي وزوجي ما كنا عارفين شنو نعمل ما كنا عارفين السالفه كان كابووووووووووس والله كابوووووس مخيف ورهيب ،، قلت حق زوجي روح اشتر لي جهاز تسجيل ابغي اسجل على صوتي وكلام حق اطفالي عشان يسمعونه على طول اذا صار فيني شي لا سمح الله ،، خواتي مهما تكلمت ما اقدر اوصف اللي صار
بس المفاجأه اليوم الصبح اتصل لي الدكتور وقالي النتيجه ما كانت لج صار التباس في النتيجه بينج وبين مريضه ثانيه انا ما صدقت ورحنا المستشفى على طوووووووووووول الدكتور قالي صار لخبطه في الكمبيوتر وتلخبطت البيانات وللتأكيد عمل لي اشعه ثانيه وكانت النتيجه ان ما في اي شي خطير بس عندي توسع في القنوات الحليبيه الدكتور كان متعجب يقول او مره تصير والكمبيوتر يلخبط البيانات بس تدرون حسيت انه امتحان قوي من ربنا بس الحمدالله على كل حاااااال
ومن نص ساعه رديت من عند الدكتوره وشافت النتايج وقالت لي عندج توسع في القنوات الحليبيه بس لما عصرت الحلمه طلع منها سائل مصفر وقالت لي الحمدالله نتايج الاشعه ممتازه بس لازم نعمل تحليل ثاني وناخذ عينه من السائل اللي يطلع من الثدي عشا ن تشوف الخلايا حميده او .... ،، بس تدرون خواتي انا احساسي ان السالفه سالفه هرمونات بس لأن الدكتور يوم عمل الاشعه قالي التوسع في الثدي اليسار والثدي اليمين ما فيه شي بس لما رجعت من عنده شفت ان نفس السائل طلع من الثدي الايمن مع ان قالي ان السبب توسع القنوات في الثدي اليسار انا قلت حق الدكتوره هالكلام واهي قالت لي النتيجه ممتازه وما فيي يخوف بس زياده اطمئنان ياخذون عينه من السائل ،، وقالت لي يمكن نعمل لج جراحه ونزيل القناه الحليبيه المتوسعه بصراحه خواتي انا احس ان اخذ العينه ماله داعي وان الجراحه مالها داعي دام الأشعه ما فيها شي ،، تدرون ليش لاني لاحظت اني لما اتضايق يطلع هذا السائل من صدري يعني يمكن المسأله نفسيه
يعني الكل يقولي لا تبهدلين حالج مع المستشفيات ما دام ان الحمدالله الاشعه ما فيها شي يخوف ،، بس تدرون بنات انا خطتي المستقبليه اني اخلي كل شي على الله واتوكل على الله وماله داعي الجراحه والخطه الكبرى اللي ابيكم تعطوني رايكم فيها اني قررت اني اتوكل على الله والغي تأجيل الأنجاب يعني آحمل لان مثل ما انتوا عارفين بالحمل تتعدل الهرمونات والولاده والرضاعه يرجع كل شي طبيعي بإذنه تعالى
ما ادري هل اللي صار لي لاني كنت مانعه الانجاب مع ان بنتي كل يوم تقول لي ابغي دادا ابغي بيبي وحتى ولدي يقولي لي ابغي اخو اسمه مشعل يعني انا عندي بنتي عمرها 6 سنوات وولدي عمره خمس سنوات وبعدين قلت الحمدالله بس ما راح انجب الا لما يصير عمر ولدي 10 سنوات بس انا ابغي مساعدتكم ومشورتكم في هالقرار
خواتي انا اسعد انسانه في الدنيا بتطمني على النتيجه وخصوصا بعد اللي صار يعني بس انا مؤمنه دايما ان وعسى ان تكرهوا شيئا وهو خير لكم
اخوااااااااتي انا صليت شكر لله بس احس ان ابي اشكر الله اكثر واكثر بس مو عارفه شلون طبعا غير الدعاء والحمدلله والشكر له
يعني انا ناويه اعتمر عن قريب بس بعد ابغي شي اعمل شي اكبر او اكثر
خواتي والله ان مافي شي في هالدنيا يسوى ان نتضايق عشانه يعني انا كنت قبل اتضايق لاتفه الاسباب ودايما احس بالملل بس الحين عرفت ان مافي شي يستاهل وان نعمه الصحه والعافيه اكبر نعمه للإنسان عرفت ان لو يصيدني شي لا سمح الله بسبب كلام او مشاكل مع اهل الزوج عرفت ان الخاسر الاكبر هم اطفالي
خوااااااااتي طبعا ما اعرف شلون اشكركم واعبر لكم عن امتناني لوقفتكم معاي وخوفكم علي ودعائكم لي
خواااتي هذا احلى منتدى بالعالم
خووووووواتي انتوا احلى اخوااااات
خواتي لون المنتدى الوردي احلى لووووووون
:o<<<<<<<<<استهبلت الحرمه
خخخخخخخخ
اخواااااتي مو عارفه شنو اقول غير الله يوفقكم يا رب ويبارك لكم في صحتكم واهلكم وعيالكم وازواجكم ،، الله ينولكم اللي في بالكم يارب ،، الله ايسر لكم اموركم يارب ،، الله الله يرضى عليكم يا رب ،، الله لا يحرمكم من غالي ،،، مو عارفه شنو اقول غير اني احبكم والله احبكم
وما راح انسى وقفتكم معاي بس اللي قاهرني اني مو عارفه شلون اشكركم او اعبر لكم عن امتناني والله لو ودي اني اتصل فيكم وحده وحده واشكركم بس مو كفايه ما املك غير الدعاء لكم في صلواتي ودعائي وغير دعائي لكم بإذن الرحمن لما اروح العمره
اخوووووووووواتي احبكم والله لا يحرمني منكم