خايفه من النفاس فبيتي

السلام عليكم
بنات متضايقه اعوذ بالله من الشيطان الرجيم
عندي طفله توها تكمل السنتين بس شقيه وتغلبني فكل شي حتى الاكل والترويش
وحامل بالثاني بس لما اولد عمرها صار سنتين ونص
وكنت اتوقع اني بنفس عند اهلي وامي لها كم يوم تلمح انو لاتجين عندي خلك فبيتك احسن
واليوم قالت لي بصريح العباره خليك فبيتك ياليتها خلتني اجي عندها لو 20 يوم لين اقدر اتحرك وامشي واختي تساعدني بعد لما اكون عند اهلي وامي ماعندها ظروف صحيه ولا شي ماشاء الله
بس كذا ماتبغاني اجي ومافيها لضيوف
رجعت بيتي ابكي ومنقهره كل اقاربي عند امهاتهم ينفسون الى الرابع وامهاتهم فرحانين فيهم وفي اولادهم انا مدري ليه حظي كذا
بس خلاص بجلس فبيتي بس كيف انتبه لبنتي والنونو الجديد كيف اطبخ واوكل بنتي واروشها والبسها احس صعب اتحرك كذا
وماعندي غرفه اجلس فيها لازم اسوي لي غرفه استقبل فيها ضيوفي وكيف اقهوي الضيوف وافتح لهم الباب
وامي متحكمه ي بنات حتى فحملي حملت وربي وانا فرحانه وزوجي فرحان الا هي زعلت وتمشي مع الناس وتقول اخر واحد تجيبه ان شاء الله والله اعطيها الحبوب بالقوه ولا تركب لولب وانا اخسها حياتي الخاصه ذي بس زعلت اليوم ورجعت بيتي ابكي وزوجي مستغرب يقولي بتتفسين وين قلت فبيتي قال بس هناك اريح لك بعدين قالي اللي يريحك سويه احس اني متضايقه مره