خايفه من النهايه

اختي الغالية ريح المــطر ..

سبحان الله في ناس لازم تمر في حياتهم عدة مراحل ..

من ضمنها مرحلة البروود والفتووور ..

وشي طبيعي تجي فترة للزوج انه يكون مشغول جدا ً في عمله ..

بس عشان انتي تخففين على نفسك اعتبريها مرحلة وتعدي ..

اذا شفتي زوجك جاء من عمله .. جبيبي له كوب عصير .. وخليه يرتاح ..

وأسأليه بطريقة لطيفه ها يا أبو فلان أو فلان ؟؟ بشر وش صار اليوم ..

أو وش أخبار الدوام .. عسى ماتعبت اليوووم ..

حتى لو كان عمله صعب و معقد سوي نفسك انك فاهمته ..

حاولي تحسسينه انك الأم والزوجه والبيت وكل شي له ..

أدري انك تحاولين والله .. بس لازم الواحد يعيد و يكرر ..

بس بطريقة حلوة ولبقة .. جدا ً ..

و بعض الأزواج أو الأشخاص مايحب يتكلم لأحد ..

بس انتي حاولي تهيأين له الجو المناسب في البيت ..

وتسمعين له .. حتى لو ماتكلم ..

بتقولين لي كيف ؟؟؟

شوفي حبيبتي .. ترى زوجك راح يحس اذا انتي حاسه فيه او لا ..

يعني مثلا ً اذا شفتيه متضايق .. قولي له يابو فلان .. ادري ان الدوام تاعبك ..

بس تحمل أزمه وتعدي .. هذا مستقبلنا ..

ومن هالكلااااااام ..

أتمنى انك استفدتي ياعيوني ..

وادعيلك بالتوفيق من كل قلبي والله .. :26: :26:

اختي ريح المطر انه في بداية زواجي صار لي نفسج لكن لاني احب زوجي موت ماكنت ابي اخسره علشان جذي غيرت الجو الي احنا فيه يعني تقدرين مثلا انج او شي تغيرين غرفه النوم وتخلينها رومنسيه اكثر ثاني شي حاولي انج تكونين مرحة اكثر وداااااااااااااااااااااااايما مبتسمه في وجهه حتى لو ماعبرج لاتتضايقين وكملي الي بديتيه للنهايه ..مثلا قوليله يوم انه اليوم عازمتك على العشى ..عندي شي وابي اقوله لك بس ماينفع في البيت وبجذي بتخلينه يطلع معاج بس علشان يعرف شنو السالفة وطبعا اذا طلعتي معاه اول شي تودينه مكان هادئ ورومنسي ..بعد ماتدخلون المطعم ..مسكي ايده ومسحي عليها واذا قالج شنو عندج قوليله اول شي نطلب الاكل وخليه يصبر..ويقعد على نار بعد ماتطلبون على ما يجيبون الاكل قوليله ابي اقولك شي بس مابيك تزعل ولا تسخر مني وعطينه نظره الحنان الي ماتعرفها الا المراة :33: وقوليله احبك واموت فيك وانه مالي فهالدنيا غيرك (طبعا ويدج في يده) وقوليله افديك بروحي بس لاتزعل علي وعطيه من الحجي الي يدوخ...:11: وقوليله احسن حبيبي متغير علي انه مزعلتك او متضايق من شي المهم مع كل كلمه قوليله حبيبي حياتي روحي وهالحجي الزين...وفي طلعتكم من المطعم اذا ركبتوا السياره مسكي يده وميلي عليه وداااااااااايما طالعيه وجنك سرحانه واذا قال اشفيج قوليله اتامل القمر او اشوف حب حياتي ..الخ
وكل يومين سويله من هالحركات يوم على مطعم ويوم قوليله معزوم بس على طباخي يالغالي وصدقيني الريال اذا شاف مرته تغيرت على شانه اهو بتغير ...
:26:

والله كلامج يا بزوغ الفجر ويا الماسة يثلج الصدر ويريح النفس وما عندي زيادة عليه :23:

فيالله يا ريح المطر تبعي كلام اخواتج وسير على خطاهن وانشاء الله تكوني الرابحة دايما:27:

اختى العزيزه ريح المطر
أولا احب اشكر الماسه السوداء على هده النصائح
وبنسبه لى فكرتى البيت البيت حاولى يكون اكثر رومنسيه بمعنى اضيفى بعض الورود التى توريح القلب والاضاه تكون ايضاً بشكل رومنسى ونصيحتى لكى اعتقد ان الرجال لايحبون الاسئله حالة دخولهم البيت وتعالى بطريقه أخرى !
مثلا ادا جاء من الدوام قبليه ..وبعد الاستحمام قدمى له الغداء .....وبعد
دلك بعد ما يقوم (أضاءت خفيفه ..والرئحه العطره توملى عليك والبيت والرئحه مو أى رائحه. ولااوصيك بنفسك وتقاسيمها الجدابه .....وبعد هدا ماريك حبيبي العشاء هناء ام انت عازمنى ...
افكار
لاتحاولى مناقشةالمواضيع الهامه الا فى حالة ارتياحه دون إكثار
فى البيت عامليه مو بس زوج وانتهى لا ثم لا أنتى قولتى فى مشكلتك عند أصحابه وأه من اصحابه فكرى ليه ما تكونى
اصحابه أملى عليه حياته وش يعطوه اصحابه بصراحه ون نسيه مافهمتى أبسطيه فى البيت وناسه والطلعات كمان وناسه وبكدا امليتى عليه الشئ الناقص إلى ما حصله عندك وحصله عند أصحابه
:26: