خايفه من شغالة اهلي على ولدي ..

حلو انك تخافين على عيالك من الشغالة .
لكن بما انك ما شفتي منها شي حرام تظلمينها ......الحل.....
أبعدي ولدك عنها من غير ما تحسسيه انك تقصدينها .
يعني مرة نايم .مرة يلعب .....
وإذا جت تشيله وانت موجودة لا تمنعيها وخلي عينك عليه ..لكن لا توديه غرفتا ولا تبعد به عن عيونك .عشان تتطمنين ولو عندها نية شر ما تقدر ولو ما عندها ما تحقد.

الله يجزاك بالخير اختي ام الخمائل ..

الحمدلله ماشفت منها شئ وان شاءالله مااظلمها هو مجرد حرص ..
وزي ماقلتي لما تطلب تشيله وانا موجوده مااقلها لأ لكن على قولك قدامي وعمري ماحسستها اني متضايقه من تصرفاتها .. لكن بداخلي متضايقه ماادري ليش ..

يمكن غيره خخخخخخخخ :D
بس هي شغلة الاظافر برضه من كثر ما نسمع خفت ..
والله يعطيك العافيه

ودمت لأحبابك

والله يا اختي انا قريت الموضوع بعدين طلعت لكن ما حسيت براحه الا لما ارد عليك ... يالغاليه تخيلت انه ولدك واحد من عيالي بسم الله على ولدك وعلى عيالي صراحه اني راح اسوي مثلك واكثر وبالنسبه للاظافر والله شي يخوف وبنفس الوقت طلب غريب منها على الرغم من انه انتي قلتي لها انك راح تقصينها ؟؟ ومع هذا راحت تبي تقصها ؟؟ والله لو انا مكانك وولدك ولدي اني راح احرص على ولدي مثلك واكثر وانتبهي انتبهي من الخدم هو مو مسألة اساءة ظن او ظلم لا لكن محد يعلم الغيب ولا احد يعلم الي بنفوس الخدم والناس بشكل عام وصراحه من البلاوي الي نسمعها الوحده الي ماتحرص على عيالها وتثق بالخدم تكون غلطانه ماعليه تلعبه وانتي عنده وقدام عيونك لكن تسوي له اكل او تلبسه او تقص اظافره قولي لها اشكره لا انا احب اسوي هالشي لولدي خصوصا انه باقي لها شهر عند اهلك وانتبهي تخلين له شي في بيت اهلك وخليك حريصه على اغراضه... والله هو الحافظ بس الانسان يبذل السبب عشان مايندم والله لايجيب الندم ويخلي لك ولدك ويخلي للمسلمين عيالهم ويصلحهم ربي ويحفظهم من كل شر ومكروه... وتصرفك سليم وانتي صح .. تحياتي لكي.

احساس الخوف والحرص واجب لكن نفس ماقالوا الخوات ماشفتى منها شى مايخوفك ..

وكلها شهر وبتروح .. المهم انتى خليك واعيه ولاتدققين عليها ..
انا مو شايفه شى يستدعى خوفك يقلبى .. ترا تحب ولدك احسن من تكرهه او تحقد عليه ... يمكن يذكرها بعيالها الصغار او
بأحفادها حتى هم عندهم احساس وقلب < --- :27: قلبت فلم هندى ههههههههههه
ولاتنسين تقرأين المعوذات كل يوم وتمسحين بها على راس ولدك ..
الله يحفظه لك .. ويقلعها بأقرب وقت :D

انتبهي منها بس لا تنسين تقرين عليه اذكار الصباح والمساء وهي اللي بتحفظه بعد الله