خايفه من قراري

السلام عليكم. .بفوت بالموضوع ع طول
بنات انا ولادي يروحو عند جدتهم كل فتره وينامو عندهم ومتعودين عليهم كثير ...برغم اني بيني وبينهم مشاكل الا انهم كويسين مع اولادي قلت لكم هالشي علشان تعرفو وضع اولادي عند جدتهم ام ابوهم الله يرحمه
الحين انا في حيره من امري يابنات ولد خالي يقول ان امه رافضه فكره الاولاد نهايئا ....بس هو يقول انا مااحرمك منهم وكل اسبوع اجيبهم لك مره في الاسبوع ينامون عندك يقولي لو في البداية وبعدين امه تشوفه كيف مرتاح معي وبنجيبهم يعيشو معي ع طول في حال اذا اهل اولادي وافقو ...يابنات انا خايفه وماكتبت لكم الا اني ودي احد يساعدني بااخذ القرار
اقول لكم عن حياتي شوي عندي بيت صغير عند اهلي وعيالي كل اسبوع يروحو عند جدتهم يومين او ثلاثه احس بفرااغ كبير والله. ..لا احد يقول اني ببرر لزواجي علشان اني احب ولد خالي لا والله بس انا قاعده افضفض لكم كل اللي بقلبي
صعب الروحه والجيه عند اهلي وفي منكم ادرا بحيات البنت لمى ترجع عند اهلها سواء كانت مطلقه او أرملة برغم انها كانت عايشه حياتها بالطول والعرض عند زوجها وهو شخص غريب ومخليها ع راحتها ليش الاهل يضغطو ع البنت كذا والله والله اتمنى اطلع اغير جو اتمنى اروح ع خالاتي عماتي بس مافي فايده حكيت لمى تعبت ....عيالي يروحون ويجو ويغيرو جو سواء مع اهلي او اهل ابوهم يعني الحمد لله شي اهون من لاشي .....لاكن احيانا انا احزن ع نفسي عمري 25 سنه واحس عمري بيضيع قدامي هباء منثوره انا مااقول كذا احط مبررات اني بتزوج لا ...انا شاركتكم بتفاصيل حياتي علشان تعرفو الواقع ولو بكذب ايش استفدت من طرح موضوعي لا احد يعرفني ولا شي بس ابي النصيحه والمساعده تصدقو يابنات من العيد للعيد انزل السوق او اوقات المدارس ...واحيانا اني تجيب لي باقي الاغراض حتا مع عيالي ع المدرسه اقسم بالله ماروح الا اول يوم تتخيلو المستشفى اذا ولدي تعب اهلي يودوه ...ماعندي مشكله كثر الله خيرهم وجزاهم الله كل خير يارب ...بس ليش انا مااقوم بواجباتي ليش الكل عايش دوره في الحياه الا انا وممكن كثير زيي ...احس حيات اهلي واخواني واهل زوجي ماشيه الا انا توقفت من وفاة زوجي
كثير قالولي تحملي وعيشي لولادك وربيهم كمان ماعندي مشكله والله... بس يابنات انا بشر ودي اعيش حياه حلوه والله مو طالبه شي صعب ودي اكمل الباقي من عمري مثل باقي البنات ....تعرفو انا لو عايشه حياتي صح عند اهلي كان ماتمنيت اني اتزوج واعيش حياه افظل لاكن بحكم العادات والتقاليد اللي حطونها فيها ملزومين نخضع للاوامر هاذي ....لا تقولوي كلمي ابوك ابوي امي بالعافيه تكلمه ويالله يالله يخليها تروح وتجي
السؤال دايم يخطر في بالي انا ايش ذنبي في هالوضع اذا رب العالمين اختاره لي ؟
ليش مااكون انا المسؤله عن عيالي اوديهم اوجيبهم اروح انا وياهم نتمشى ....بس الشي الوحيد اللي مريحني انو عيالي الحمد لله حياتهم ماشيه يروحو ويجو وماعليهم قاصر ولله الحمد وكل شي بنفسهم يسير سواء عندي ولا عند اهل زوجي ولهم تقديرهم في بيت اهلي من ابوي واخواني وامي .....
انا عندي كم سؤال واتمنى احد يجاوبني عليهم وبدون مااحد يتاثر بوضعي لئني الاكيد مو انا الوحيده عايشه هالعيشه
السؤال الاول هل اوافق ع الزواج من ولد خالي وحتا لوكان شرط امه بدون عيالي وهو وعدني انه مايخلي عيالي بس فتره ؟
السؤال الثاني اذا خليت يعالي بيني وبين جدتهم يعيشو يعني شوي عندي وشوي عند جدتهم مبعنى في دوام ولد خالي اجيبهم وفي اجازته اوديهم ع جدتهم بما انه هم يروحو ع جدتهم يعني متعودين سواء تزوجت او لا ممكن يتاثرو ويسيرو يكرهوني ....بنات اخاف انو ولادي يتغيرو علي ويكرهوني بسبب اذا تزوجت اكبر عيالي عمره 9 سنوات
بناات ابغى نصيحه حتى لو كانت اني انتازل عن كل شي وعن حياتي لعيالي واعيش خدامه تحت رجولهم طول عمري ...بس قولولي كيف اقدر احاول اتاقلم الوضع اللي عند اهلي واعيش وانا مبسوطه وفرحانه
كل شي بقلبي قلته وابغى النصيحه حطيتكم في الوضع كله علشان تقدرو تحكمو وتعطوني نصيحه



سبحان الله وبحمده سبحان الله العظيم♥