خايفه موت ساعدوني

مرحبا بنت الساده

والله ما جربت حالتج والله يعينج
بس وين دكتورتج ليش ما قالتلج سنو تسوين وانتي طفتي موعدج باسبوع ؟

الله يقومج بالسلامه ويسهل عليج وعلينا

عزيزتي بنت السادة انا مدري هو اول حمال لك ولا لأ المهم لاتشيلين هم في بعض الحريم ماتولد الا في العاشر وطالما الجنين سليم وتحسين حركته في بطنك كويسه وكل شي تمام لاتفكرين لانهم اصلا بيعطونج اسبوعين من العاشر وفي حال ماولدتي يعطونج طلق صناعي...
وعلى فكرة انا سمعت عن تجربة شرب زيت الخروع للي فاتها موعدها وهو انك تحطين ملعقتين زيت خروع على نص كاس عصير مانجا او برتقال ويبدى يقلب بطنك يعني وانتي بكرامه يحله ويشغل الطلق وماقولك غير الدعااااااااااء الدعاء لانك ماراح تولدين قبل يومك اذا ربي كاتب لك تولدين طبيعي بتولدين واذا كتب لك تتاخرين بتتاخرين حتى لو طلق صناعي.. انا استغرب مضاعفة بعض الاخوات لالام الطلق الصناعي ترا ماهي بعيدة عن الطبيعي وللمعلومية تسمعون بعض الحريم تقول ماحست بولادة والثانية تقول بغيت اموت ليش؟؟؟ لان هذي تساهيل من الله وكل جسم يختلف عن الثاني ومافي عيال من غير تعب وربي يهون عليك ويقومك بالسلامة

على مااعتقد عادي لان حماتي تأخرت على موعدها 10 ايام وولدت طبيعي ونفس الشي صديقتي تأخرت اسبوع وولدت طبيعي اشياء ماتخوف والله يسهل عليش يمكن الحساب يكون غلط


والله يرزقش الذرية الصالحة

مشكورات اخواتي على ردودكم الطيبه

الدكتوره اقالت الي اذا ما ولدتين في هاليوم عندج موعد ثاني اي بعد عشرة ايام والله كريم انشاء الله اولد قبل الموعد

عادي يا اختي انشاء تولدين طبيعي واذا تأخرتي وايد وا كان فيج طلق يحطون لج طلق صناعي يعني شيلي القيصرية من بالج وانشاء الله ما تحتاجينها00