خايفه ومتشائمه جدا من الزواج الثاني

أول شي أحب اقول ســـــــــــــــــــــلامي على اللي صان المحبه ...
ســــــــــــــــــــــــــــــــلامي على اللي يالس معانا ...

بنا والله أحبكم كلكم وأحب عالم حواء بشكل ما تتصورونه ... انا من يوم ما اشتركت به وانا بشكل يومي موجوده .. يمكن اني ما اشارك وايد ... بس يوميا اشوف كل شي يصير ويــــــــاكم ... ويعطيكم ألف عافيه للهالمنتدى اللي اتعلمت واستفدت منه واااااااااااااااااااااااااااااااايد اشياء صدقوني .. والله انتو فرحتو وياي بفرحي .. وزعلتو وواسيتوني لزعلي .. والله كنتو أكثر عن أهل والله ...


عمـــــــــــوما مثل ما يعرف بعضكم اني من فتره صارت مشاكل بيني وبين زوجي والله كتب الطلاق ما بينا وراح كل واحد لحاله ... واذا تبو اتعرفو السالفه او الاسبوب فاللي بيسوي بحث بمواضيعيي بتعرفو الاسباب ...

مشــــــــــــــــــــــــــــــــكلتي الحين ...

أني جدا جدا خايفه متشائمه من الزواج الثاني ... والله يوم حد اييب لي طاري الزواج اخاف واشل هم .. واللـــــــــــه اخاف يصير نفس اللي صار لي قبل...

أقول بخاطري الزواج بس بأولــــــــــــه حلوو اما مع الايام لا يتغير ويطلع الانسان علىحقيقته او يمكن الظروف او الروتين يخلي الانسان يتغير ما ادري ..

والله بس مووووووووووووووووووووول ما عندي ثقه باي حد اقول كلهم نفس الشي ومع الايام كل شي بيتغير ..

والله مـــــــــــــــا أدري شو اقولكم خصوصا هالفتره متقدم لي واحد وانا جدا محتاره عليه .. المشكله انه يحبني جدا جدا ... وانا بصراحه عجبني ...

لكني خايفه وايد من الحياة وياه ... يعني هو اكبر عني بس بسنتين عمره 24
وشـــاب فبداية حياته احسه مب قد مسئولية زواج ..

ممكن عشان أهله صح متقبلين فكرة زواجه مني .. بس احس من ورا خاطرهم لانه بس ولدهم ملزم ويباني ... بس عشان هالشي موافقين ..

ممكن عشان انا متعقده من الزوام فعشان تجي بكل شي ادقق .؟؟؟

والله ما أدري انا قبل كنت حاطه فبالي اذا بعرس باخذ انسان اكبر عني اقل شي ب8 او 10 سنوات ويكون افهم مني .. وفاهم وعارف مسئولية الزواج ..

بس بعد بنفس الوقت محتاره .. يعني هو يحبني .. وانا بصراحه عاجبني .. لانه من الاهل من بعيييييد ...

اخاف ارفض انسان يحبني ؟؟؟؟؟؟؟؟؟؟؟
وما اعرف ااف اخذ واحد ما يحبني بس عاقل وفاهم واندم على اللي قبل ؟؟

والله ما اعرف انصحوني ؟؟؟