خايف أخذ القرار ... ساعدوني

بنات احتاج مشورتكم
انا وزوجي بينا مشاكل كثيره لكن أساس المشكله عندي انه يكرهني وواضح جدا حاولت أتأقلم معاه و أتمسك فيه بس تعبت ولا فيه فايده رغم انه معترف أني ماقصرت معاه
انا نفسيا صرت متقلبه و محتاره نفسي أخذ أولادي و اتركه لكن أولادي من ذوي الاحتياجات صعب علي اهتم فيهم هو يساعدني لكن بالمشاكل لازم يصير نقاش حاد عشان يتحرك وانا تعبت منه
لكن اذا طلعت من بيته ما يفرق معاه يعيش حياته و يتزوج و انا اندفن بهم عيالي احس أني خسرت عمري بهل زواج الفاشل حاولت أصلحه مافيه فايده
و أمس كنت بعشاء عند اهله الكل حاسس أني متغيره طول العشاء ساكته و تجيك خالته معها مرت ولدها وتلقح علي بالكلام وكل نظرات الحريم لي تجرح وانا مطنشه ترمي كلام على عيشتي عند زوجي كيف انا راضيه على هل وضع
و احس ان زوجي السبب واحقد عليه كل الناس مشاكلها تصغر غير انا وزوجي المشاكل تكبر وطلبت من اهله يتدخلو كلهم في الظاهر معي لكن من تصرفات ولدهم واضح انهم بس قدامي متعاطفين
لان زوجي متعلق باهله و مايرفض لهم طلب حتى لو كان لي حتى أم زوجي تتعامل مع عيالي بطريقه غير عن عيال اولادها رغم أني ماتعرضت لها ومعاملتي معاه زينه بس مااقول غير حسبي الله حسابا عقيبا لا يرد