خبراتنا بالمكياج ... كل وحدة تدخل تفيد وتستفيد

وينكم بنات كلمه ولو جبر خاطر

اهلا بكويتية 26

انا شكل حواجبي هي اهم خطوة عندي .. مرة اخليهم طبيعين جدا وشكلهم جميل , ومرة بس اشيل كم شعرة من الوسط ويصيرون 8

وقبل المكياج لازم الشرة تكون نظيفة حيل وهناك عدة طرق

لكني افضل النظام الثلاثي من كلنك واللي هو

صابونة تناسب نوعية البشرة ثم التونك المقشر لا اي جلد ميت والي يخلي البشرة تلمع

من الحيوية والنظافة وبعدين ... المرطب .
واروح البس ثياب الخروج .

وارجع لوضع المكياج وافضل فاونديشن استعملتة هو ( ماك ) لانك تقدرين تتحكمين فيه
خفيف او تبينة ثقيل والوانة طبيعية على الوجة .

وما استعمل البودرة لانها تنشف وجهي .. واذا كان وجهي تعبان وفيه هالات سود .. استعمل كونسيلر كفر ديرما وهو ممتاز وثابت .
وعيوني مرة احط لها مكياج اقرب للطبيعي مثل خط فوق الرموش الاعلى مع الماسكرا

واحب ماسكرا ريميل او لانكوم ومرة احط كحل اسود من الداخل ( الهاشمي الكريمي )
ومرة اتكحل باللون بقلم كحلي ........والكحلي يخلي العيون البنية فاااااااتحة وكاني لابسه عدسات ( ما شاء الله )

واذا كان مناسبة احب استعمل درجات الشدو البني الفاتح والغامق والذهبي

ثم احط شوية بلشر على المناطق القريبة من الشعر بالجبين , وايضا ارسم ضحكة بوجهي واضع على الاماكن المرتفعة بلشر ........... وضروري يكون الروج من درجات البلشر

عشان الوجة مايصير مثل وجه المهرج ... كثير الالوان

واخيرا احدد شفايفي بدرجة شوي اغمق من الروج واضغط بالكلنكس ثم اضع طبقة ثانية
او اضع لون طبيعي واضغط عليه بالكلنكس .. ثم اضع الملمع في الشغه السفلى فقط.د

واحرص على عمل مكياجي قبل الخروج بنصف ساعة او اكثر ... عشان يصير رايق
وان لقيت الفاونديشن كثير ,,,,,, ارش وجهي بماء الورد وازيل الزيادة بالضغط بالمنديل
على الزايد من الميك اب ... وسلامتكم .

لاتنسون الحواجب لانها اطار الوجة والله المستعان .

هلا والله شمعة الجيل حياج الله خوش طريقه بجربها انشالله بس ودي اسالج شنو احلا مثبت للمكياج

انا عندي طريقه دايما اسويها بعد ما حط ميكياجي بس قبل الماسكرا يعني احط اللي ابيه واذا ييت احط ماسكارا قبلها ارش ماي ورد على كامل ويهي وارطبه عدل واخليه ينشف جذيه لا بلاشر ولا شي يروح وبعد 12 ساعه وغير جذي اذا الويه مقشر شوي كله يروح

وفيه طريقه اذا بكبر شفايفي شوي احط اساس عليهم بعدين احدد من بره بلون وردي على لحمي يعني بره الشفايف شوي واييب قطن اذون واموه الخط عشان مايبين وبعدين احط محدد عادي والحمره جذي يعطي فاليوم حق الشفايف جربوها

وطريقه الرموش اذا بخليهم طوال وكثيفين بس طبعا هذي بالمناسبات موكل يوم لانه قويه على الرموش
احط ماسكرا على الماشي وبعدين اسكر عيوني واحط بودره على الرموش بواسطه فرشه وبعدها الماسكرا بشكل مكثف ماراح تصدقون جنه تركيب

وشنووو ياربيييييييييي
مااذكر بعد
اذا في شي ارد للموضوع

ابييييييه وين البناااات

وينكم لا تنامون نبي تفاعل يا بنات علشان نستفيد من خبرات بعض

عني أنا احب المكياج خفيف او قريب للطبيعي لكن تجي طفات
بس اللي قاهرني بالبيت لو صلحت المكياج مثلا اجرب طريقة جديدة او لون جديد او حركة غير يطلع روعه روعه احلى من شغل الخبراء بس اذا بغيت احط الدوام او اي مناسبة وودي يضبط لو اطبق نفس الخطوات يطلع يع غلط في غلط ليش الله اعلم
انا ما استعمل كريم أساس ابدا كريم مرطب وافضل فيتامن اي من بدي شوب ثم بودرة مضغوطة افضل افون تميل للون الطبيعي مالقيت مثله يناسبني ابد والحين غيرو الدرجة وانحست استخدم الحين نينا ريتشي تمشي بس يع
الروج ارسم لوحه احيانا محددخفيف عنابي اوبني ادمجه على الشفايف قبل الروج ثم لمسه خفيفه من الكونسيلراو قلم اخفاء العيوب على الشفاه لتفتيح اللون خاصه للروج الفاتح اللون ثم بالفرشاه اغطي الشفاه باللون ممكن اضع لونين او ثلاثه اربعه لحد ما اوصل للون اللي ابغاه او الدرجه اللي ابغاها ((( يعني إذا بغيت اطلع من البيت اخذ معي كل الارواج والجلوسات والفرش والملمعات والمحددات التي عندي وهاتي حوس لتطلع النتيجة )))) الظل حسب اللبس وافضل درجة الاسود مع الجميع يعني لو وردي الظل بعد ما نتهي لمسه على الجفن القريب من ارموش بالاسود هاذي اللي استخدمها من مكياجي اربع الوان فضيعه اسود فضي رمادي درجتين بس اللون الاسود خيالي وبعدين قلم الكحل من بدي شوب اسود روعه ما استخدم السائل ابدا احددالرموش العلويه والسفليه
................... باختصار شديد وتقطيع متميز
تحياتي