السلام عليكم ورحمة الله
وكل عام وانتم بصحة وعافية
بالنسبة للقمة القاضي أو اللقيمات سمعت من وحدة كبيرة تقول إن أهم شي إنك تعجنيها في نفس الإناء كل يوم وراح تلاحظين إنها كل يوم أحسن من الثاني من حيث التخمر وتطلع من جوة فاااااضية مع الوقت ومعنى كلامها إن الإناء يبقى فيه ريحة الخميرة شوي عشان يصير التفاعل أكثر
جربوا واحكموا لأني انا بصراحة ماأحب اللقيمات كلها زيت وسكر وتخرب الجسم والصحة :7_5_122:
لكن فيه أكلة ثانية لو تجربوها يمكن تفضلوها أكثر من اللقيمات وسهلة جدا وهي :
خبيزات البر
تضعين في إناء العجن :
ثلثين كاس موية + بيضة + شوي ملح ناعم +بهارت +نص فنجال زيت أو أقل +م ص خميرة فورية
بعدين تضعي دقيق البر بأي مقدار الى أن تتكون عجينة أقرب قليلا إلى القاسية
وتتركيها تخمر نصف ساعة ثم تكور بحجم صفار البيضة ومباشرة
تولعين على الزيت وبعد مايسخن تفردي كل قطعة وتضعيها على طول في الزيت
ولو معك أحد يساعدك يفرد أفضل وتقلبيها راح تنتفخ وتصير زي الكورة وجواتها فاااضي مرة
تاكليها على زبادي مافي أحلى منها وممكن تفتحيها وتحشيها سلطة تهبل وانتي وذوقك
الفطور معها شي ثااااااااااااااني .........
جربوها ياأخوات صدقوني ماراح تندموا وراح تدمنوا عليها وتنسوا اللقيمات
أما بالنسبة للسمبوسة فأهم شي فيها مايكثر الزيت وتكون العجينة قاسية
عشان ماتشرب الزيت وتكون مقرمشة ولا تحطي فيها لاخميرة ولا بكنج بودر
فقط دقيق تفركي فيه شوي زيت يمكن ملعقة ثم تعجنيها بموية وتيبسيها شوي وممكن تخلطي الطحين ببر بمقدار النصف تقريبا أو أقل أنتي ورغبتك وتتركيها ترتاح نصف ساعة ثم تفرديها وتحشيها ثم تقليها
ونصيحة :لا تكثرين الأنواع ولا الكميات ترى وانتي صايمة يتهيألك انك بتاكلين وتاكلين لكن بعد الرطب والموية أو اللبن الحمد لله تحسي ماعاد لك نفس في شي فنصيحة نوعين أو ثلاث بالكثير يكفي عشان حتى يجيلك فرصة للتنويع كل يوم :confused:
وما تملون من نفس الطبخات
خسارة الأكل اللي ينكب خسارة فلوس وخسارة جهد :3_13_12:
ونصيحة ثانية وانتي قاعدة تطبخين أذكري الله وسبحي واحتسبي بجهدك هذا أنك تفطرين أهلك أو زوجك وأبناءك الله يكتب أجرنا وأجركم ويعينا على صيام هذا الشهر وقيامه ويجعلنا فيه من عتقائه من النار
@الحسن@ @alhsn_2
محررة
يلزم عليك تسجيل الدخول أولًا لكتابة تعليق.
روسلين
•
ماشالله تبارك الله
هديه من روسلين لكل اعضاء وزوار عالم حواء الحقي قبل ماتخلص الكميه محدوده
http://forum.hawaaworld.com/showthre...3233966&page=2
http://forum.hawaaworld.com/showthre...3233974&page=2
هديه من روسلين لكل اعضاء وزوار عالم حواء الحقي قبل ماتخلص الكميه محدوده
http://forum.hawaaworld.com/showthre...3233966&page=2
http://forum.hawaaworld.com/showthre...3233974&page=2
الصفحة الأخيرة
والله يبلغنا رمضان ويبارك في ايامه..