السلام عليكم ورحمة الله وبركاته..
قبل لا أبدأ هذا الموضوع موجّه فقققط لصاحبات الشعر الطبيعي اللي ما عليه صبغة أو كيراتين وبروتين!!!
نبدا على طول، أنا عمري 26 سنة واستعمل الحناء من عمر 12 سنة، طبيعة شعري ناعم مموّج بني غامق..
كنت استعمل الحناء من سنين طويلة وانقطع عنه فترة ثم ارجع له، الله وكيلكن الحناء هو النبتة الوحيدة اللي ما لازم أببببببداً تقطعينها عن شعرك، من أقوى وأعظم العلاجات الطبيعية للشعر بشهادتي وشهادة ملايين البشر حول العالم وبشهادة نبينا محمد صلى الله عيه وَسَلَّم..
طبعاً أنا طريقتي في استعماله من زمان هي مرة وحدة بالاسبوع وهذي المرة تكفيك عن كل العناية والبلبلة اللي رح تعانينها طوال اسبوع كامل من الكريمات والتزييت وكووول هذي الاشياء..
أنا كنت استعمل الحناء وحده زمان مع موية ساخنة لمدة شهور والنتيجة شعر سايح كنه حرير ما شاء الله لا قوة الا بالله وكثافة وقوة وحتى لونه صار زي لون الشوكولاتة البني يجنن، ناهيك عن الطول الخرافي بسرعة ميتين كيلو متر في الساعة ما شاء الله تبارك الرحمن..
بعدها انقطعت عنه ورجعت الحين، والحين صرت أستعمله كالتالي مرة وحدة في الأسبوع زي ما قلت:
ملعقة وسط حناء
ملعقة وسط سدر
ملعقة زيت زيتون بكر
ملعقة زيت قطران<< مهو ضروري بس يجنن
وبس، تخلطينها وتحطينها ع شعر نظيف وتلفينها بكيس بلاستيك او نايلون وتحطين عليها قبعة قماش أو أي شيء مشابه، وتخلينها من ساعتين إلى ثلاث ساعات ثم تغسلينها بموية بسسسس!!
وفي اليوم التالي بشامبو خفيف..
وزي ما قلت!! هذي الطريقة رح تغنيييييك عن تعب العناية اليومية طوال الأسبوع لإنها مرة وحدة ما تاخذ منك الا ساعات قليلة والفرق بتلاحظينه بالشهر الأول..
ومهو لازم ابداً تنفذين خلطتي هذي، استعملي أي خلطة حناء تعجبك وطبقيها اسبوعياً ع شعر نظيف واستمري عليها مدى حياتك وبتشوفييين السحر كيف!! بس استمري!!
أنا شعري الحين الحمدلله طويييل لنهاية ظهري نااااعم وصحي بسم الله عليه وبدون كل التعب يومياً من دهن وغسل والخساير أعوذ بالله..
وبس والله، اللي بغيت اقوله لكم الله الله في الحناء!! أستعملها من سنيييين طويلة وما خذلتني أبد بعد فضل الله فلا تتجاهلوها وتنحرمون نفعها.
Lumani @lumani
عضوة جديدة
يلزم عليك تسجيل الدخول أولًا لكتابة تعليق.
Dreams :
•
ماشاءالله تبارك الرحمن ، جزاك الله خير حبيبتي .. صحيح انا اسبوع وترك لازم احني بس عشان ما امل من الموضوع مرات احطه ساده ومرات اخلطه مع سدر وهكذا اما بالنسبة لتأثيره فأنت صااادقه سبحان الله طبيعة شعري ناعم بس الشعبه رقيقه فبالتالي اتعب عشان أسرحه واستخدم الحنا عشان يسيح ومايتاثر اذا نمت او ربطته ولونه صاير برتقال بس يالله عادي اهم شيء ما اتعب في تسريحة ، كل مره اخذ من عطار مختلف مره اخذت من عطار عندنا الحنا كأنها سحرررر شيء موطبيعي المشكله رجعت له وشريت مره ثانيه بس ماطلع نفسه حتى الي يبيع يقول كل شهر نجيب من نفس الحرمة كم وحدة قالت لي مخلوط بس الرجال مايبيع الا حنا سادة هذيك الحنا بس احط موية وكأني حاطه فيه مليون خلطه وخلطه ولونها مثل اي حنا سبحان الله
Lumani
•
Dreams : :
ماشاءالله تبارك الرحمن ، جزاك الله خير حبيبتي .. صحيح انا اسبوع وترك لازم احني بس عشان ما امل من الموضوع مرات احطه ساده ومرات اخلطه مع سدر وهكذا اما بالنسبة لتأثيره فأنت صااادقه سبحان الله طبيعة شعري ناعم بس الشعبه رقيقه فبالتالي اتعب عشان أسرحه واستخدم الحنا عشان يسيح ومايتاثر اذا نمت او ربطته ولونه صاير برتقال بس يالله عادي اهم شيء ما اتعب في تسريحة ، كل مره اخذ من عطار مختلف مره اخذت من عطار عندنا الحنا كأنها سحرررر شيء موطبيعي المشكله رجعت له وشريت مره ثانيه بس ماطلع نفسه حتى الي يبيع يقول كل شهر نجيب من نفس الحرمة كم وحدة قالت لي مخلوط بس الرجال مايبيع الا حنا سادة هذيك الحنا بس احط موية وكأني حاطه فيه مليون خلطه وخلطه ولونها مثل اي حنا سبحان اللهماشاءالله تبارك الرحمن ، جزاك الله خير حبيبتي .. صحيح انا اسبوع وترك لازم احني بس عشان ما امل من...
ايوه صادقة، حتى انا انغشيت كثيير في الحنا بس الحمدلله صرت اقدر افرق بينها ، الحناء الاصلية تجيك خضراااء عشبي لونها يفتح النفس وخضارها وااااضح واذا عجنتيها ريحتها قوية ومويتها تتحول للبني والذهبي من على الاطراف وبرضو تصبغ جلدك ع طووول ، انا صرت اشتري من حسابات بالانستقرام وتويتر لتجار من اهل المدينة المنورة يوفرون حناء يجنننن!!
هذي الحنة السحر والله ، نعومة قوة وطول بعد فضل الله بس لازم الاستمرااار والصبر
هذي الحنة السحر والله ، نعومة قوة وطول بعد فضل الله بس لازم الاستمرااار والصبر
الصفحة الأخيرة