السلام عليكم ورحمة الله...
والصلاة والسلاه على اشرف الخلق..نبي الله محمد صلى الله عليه وسلم ..وعلى اله وصحبه اجمعين ..
بما أن مشكله اغلب العضوات ..هي أسمرار الركب او الاكواع....
حبيت اطرح تجربتي البسيطه جدا..والحمدلله ان مشكلتي مش عويصه مثل مايقولون ..
هي فتره تغير لركبتي من لونها الطبيعي الى الاغمق ..
لكن لاحظتها ..وكانت مسببه لي ازعاج ..فظيع ..ولأني احب اهتم في جسمي كــ كل..انزعجت من تغيرها المفاجيء..
...
لتغير الركب اسباب كثير..وحالتي في تغيرها.. كانت طريقتي الخاطئه في ازاله الشعر من الركبه.
وكانت بــ آله نزع الشعر.
فتره مرت علي ..كانت ماعندي حلاوه ..وجبت من السعوديه وللاسف ضاعت الشنطه بالمطار بااللي فيها ..
هالكلام الصيف الي فات .
اضطريت اروح كل شهر لصاالونات التجميل هنا ..بحجه ازاله الشعر بالشمع ..
لكن لقيت فيه سلبيات..اكثر من ايجابيات..!!
للأسف غالي على الفاضي....يعني مثلا الكف..له سعر!!
..منطقه اعلى الشفه له سعر..!!
القدم له سعر..!! اليد الى المرفق له سعر...!!
فلست من كثرة الروحه والجيه..صرت اصرف كل شهر..تقريبا 200الى 300$ بس لأزاله الشعر
..من غير البطن والظهر :06::06:
وبالاخير..ايام ويطلع لي الشعر..وفوق هذا ..وجهي يحترق من الشمع وكله جروح ..كل هــ الكلام ماله لزمه .:35:
...
بحثت وبالاخير مافيه اسهل من الآله ومتوفره بكثره..
صرت استخدمها كل ماطلع لي شعر بسيط حتى بالقدم ..يعني هي طريقتي بازاله الشعر من الساق والركب واليد ..
لاحظت بعد فتره ..ان ركبتي وهو موضوعي الاساسي تغير لونها وصار المسام اسود وباين مره..
حاولت اعمل مقشرات ...!! مافاد؟؟
..ترطيب ...!!! مافاد..؟؟
كريمات ...!! مافاد..؟؟
...
بالاخير حصلت على الحلاوه ..
..
وشلت شعري ...وجيت لركبه ..وعدت عليها مره وثنتين و3 ..لان الشعر قاسي..بعد الأله..
لحد ماطلع الشعر ,,وحسيت قشور خفيفه طالعه والشعر نفسه كان قوي ..وجذوره لونها ابيض..مع اسود كبيره ..
عرفت ان المشكله كلها كانت من الأله الغبيه والغربه الي حدتني عليها .
..
شفت ان المنطقه صارت نظيفه ..
اخذت فوطه صغيره بللتها مويه دافيه..وحطيتها على الركبه دقايق ..بعدها اخذت مقشر جاهز . ..وفركت الركبه على
خفيف.وبحركه دائريه ..
بعدها رطبتها ..والحمدلله يارب على النعمه ..رجعت طبيعيه ..
>>كررتها يوميا وشفت النتيجه السريعه المرضيه..
..
_والان راح اذكر المقشرات الي استخدمها اسبوعيا للمحافظه على ركبتي ..واكواعي:
_سكر
_ليمون
_زيت زيتون أصلي
_فوطه او ليفه
_شوفان لو حابه تغيرين من المقشر الجاهز
_زبادي..
_مويه ورد
..
جدولي كــ الأتي:
*بعض الاحيان زيت زيتون اصلي+ملح او سكر ..وافرك المنطقه بلطف ..وبعدها اتسبح وارطبها ..
*بعض الاحيان ..ليمون وسكر او ملح..ونفس الحركه ..
*ولتغير.. استخدم مقشر..طبيعي.. ماشاءالله تعطي لون حلوو وهي للجسم وسبق وذكرتها في احد مواضيعي ..
شوفان +زبادي +عسل لو حابه ..ماي ورد وأضيفي الي تبين..من نشاء.وحليب مجفف..الخيار مفتوح لك..
..اتركيها على المنطقه ..حتى تجف ..وبعدها افركي بلطف وغسليها ورطبي المنطقه ..ماشاءالله ..مره حلووه
العسل انصحكم فيه ..قريت عنه كثير..وسويت بحث لقيت ان العسل مرطب طبيعي للركب والاكواع..
(ماتكثرون لمى تحطونه .)شويه بطرف الاصبع وامسحي على المنطقه..
..
(ولا ننسى ان بعض الامراض والحالات الطبيه تكون مسبب لتغير الركب او الاكواع..)
_مثلا:
1)_خراجات المبيض
2)_ تغير الهرمونات اثناء الحمل والولاده..
وبغض النظر عن الاسباب التي ذكرتها ..(ممكن ان الادويه تؤدي الى الاسمرار..)
_كيفيه التخلص من اسمرار الركب والمرفقين
الركبتين والمرفقين..هي أكثر عرضة لتلف الجلد ..وتخضع للأحتكاك المستمر خلال النشاطات اليومية.
هذا الأحتكاك يؤدي إلى تراكم خلايا الجلد الميت..على الجلد..
ا***لقاعده الذهبيه ..هي الترطيب باستمرار والتقشير اسبوعياا..مثل ماذكرت ..
طريقه اعجبتني لتبيض وترطيب الركب والاكواع ..(نصح فيها احد الأطباء الأمريكيين)
_1 ملعقة فيتامين E
_ملعقة صغيرة من عصير الليمون
_1 ملعقة الجليسيرين
_4 ملاعق كبيرة زبادي
تترك على المنطقه ..لمده 15 دقيقه..ثم غسلها ..
أيضا:
_1ملعقة زيت جوز الهند
_1|2 ملعقة صغيرة من عصير الليمون أو الليمون
نفس الخطوات السابقه ..
واسهل الطرق ...هي قطع ليمونه بالنص ووضعها على المنطقه ..لمده15_20 دقيقه ..
سويها..وانتي جالسه على الاب توب او التلفزيون .او على قهوتك العصريه او الصباحيه..سهله ولا تبي لها مجهود
وفرك ..
اذا تعانين من الجفاف بالمنطقه استخدمي المرطب الي بالصوره..لانها نصيحه احد الأطباء..(لوسيون) Eucerin
بانه افضل لترطيب الجفاف ..
راح اعرض صور للمقشرات الجاهزه ..سبق واستخدمتها..
المقشر .>>بالصوره الأعلى..
...يرطب وينعم ..ريحته حلوه ..ومليء بحبيبات السكر..لازاله الجيد الميت..
ماركه St. Ives
جدا جميله ..ومفيده ..سواء لوشنات ..او مقشر ..
حربت منها كم مجموعه ..للوجه وللجسم ..راح ارجع لها ..
وعلى فكره لو بشرتك مره جافه >
عندهم مجموعه Extra Dry للبشره الجافه ..من كريمات وغسول ..
راح اتكلم عن تجربتي مع ماركه Alba
غسول الوجه بحليب جوز الهند ..ينعم ويرطب ..ويخليها منعشه ..وخاليه من الشوائب..
...
مرطب جسم بــ فيتامين E
..
شامبو لشعر ..ريحته حلوه..ويعطي منظر حيوي..
..
مقشر ممتاز للوجه
..
الماركه..لاتقاوم ..وممتازه جدا..استخدمت منهم منتجات اخرى....مثل...كريمات للجسم...ومرطب لشفايف..
>>بنات امريكا ..ترا سعرها غالي ..الي يحب يجربها يروح walmart تلاقونها ماتتعدى ال10$ وغيره باغلى ..
..
والان راح اذكر نبذه بسيطه من البحث الي قريته يسبب اسمرار الركب:
_السبب الرئيسي:..عدم الاهتمام والعنايه فيها ..واهمالها تماااما..
_السبب الثاني: هوو ..الجفاف وعدم ترطيبها ..وهو مايسبب الاسمرار
..
**نصائح مهمه:
_غسليها ..ورطبيها بانتظام..لمنع الجفاف..
_التقشير اسبوعيا ..سواء مقشرات طبيعيه..او جاهزه ..لأزاله الجلد الميت المتراكم ..
ويكون التقشير مرتين اسبوعيا..عن طريف فركها بلطف وبحركه دائريه ..باستخدام ليفه غير خشنه او فوطه صغيره مبلله بماء دافيء..
والاحسن في الترطيب استخدام. زبده الشيا الخام او زيت اللوز الحلو..
وايضا لاننسى ..زيت الزيتون هو بديل جيد لكريم الجسم. ..وممكن تستخدمينه قبل لاتنامي..
لو حابه ..تدهني بزبده الجسم ....احسن ..وفيه انواع كثيره ..منها بالشوفان..وبالمانجو وبالبابايا....الخ ..
شخصيا..احب استخدم ..اللوشنات والكريمات ..تكون بـ زبده الشياء..الشوفان ..العسل..زبده الكاكاو.وروائح مختلفه منعشه..
استخدمت كريم الجلسويد..الاحمر ..رائع ..وغثيث بنفس الوقت ..مرره ثقيل..اجلس ساعه وانا ادهن في جسمي ..
_المويه مهمه جدا ..للبشره ..سواء الوجه او الجسم ..اشربي مويه كثير..ولاتنسين الغذا الصحي..من فواكه وخضار..
أتمنى موضوعي المتواضع خدمكم ولو قليلا...مع بعض المنتجات المجربه والنصائح المفيده..
>>>الصور حاولت اكبرها ..مانفعت معاي..
..
أحترامـــي ..
...