خبرتكم

صح عندي سؤال بعد كم مدة رضاعة الطفل في عمر 4 شهور لأنه الاحظه احيانا يرضع مدة 6 دقايق


ومن صدر واحد هل هالشيء طبيعي؟

السلام عليكم
بعد انتهاء الرابع اعطيه العصائر الطبيعية المخففة بالتدريج
عليك منع عادة مص الاصابع عنه لانه عندما يكبر يصعب منعه عنها
ليه الصناعى؟
ماهو وزن الطفل؟
ليه بيرضع من صدر واحد؟

بديت من فترة بسيطه اعوده على الصناعي في حالة كنت خارج المنزل واخليه عند اختي لا اعرف

كم وزنه بس آخر مرة وزنته كان وزنه ممتاز لا هو يرضع من الصدرين ولكن ليس في نفس الوقت


قصدي انه يرضع من اليمين واذا حاولت اعطيه من اليسار لا يريد الا في الرضعه التالية بعد ساعة


ونص او ساعتين حسب

ابدي ياختي ببسكوت فارليز وبلفيت بلس بكميه قليله جدا عشان يتعود على الاكل وعصائر مخففه

هلا الغاليــه اشحالج .. واشحال كتــكوتج ..:)

شوفي حبيــبتي ولدج الله يحفظه ويبارك فيه أكبر من ولدي بثلاث أسابيع .. وأنا أرضعه طبيعي الحمدالله وأعطيه تمر مره او مرتين في اليوم حسب تقبله .. و مراات يوم احس انه عنده امساك اعطيه رضعه شاي ميلوبا .. وبس .. نصييييييييييييييييحه لا تعطيه حليب صناعي ويوم بتضطرين وبتظهرين عنه سويله تمر او نعناع او ينسون .. يعني شي طبيعي ومفيد احسن بوااايد من الحليب الصناعي الي ما انعرف مكوناته ..
سبحان الله قبلج بكم يوم سألت عن سالفه الاكل وكان الرد من الدكتوره مثل ما قالتلج اول ما ايكمل الرابع وبعد قريت بأكثر من موقع طبي وكتب طبيه انه يحبذ اطعام الطفل بعد ما ايكمل الشهر الرابع عشان ما يتحسس ..وابدي بالأرز والشوفان والذره وعقب عطيه الخضروات مثل الكوسى والجرز والبطاطس والقرع .. وبعد ما يتعود عليهم عطيه العصاير المخففه وانا جربت وعطيت ولدي عقب ما كمل الشهر الثالث عصير برتقال وما اتقبله وسويتله مره عنب ومره يح( رقي) وشربه بس ما فكرت اعطيه مره ثانيه لاني خفت ما يتحمله .. بس طبيا يقولون احسن اتأخرين العصاير عشان الكليه ما تنضغط بكل شي مره وحده ..
ولا تعطيــــــنه بياض البيض الا بعد ما ايكمل سنه لانه اكثراليهال تستويلهم حساسيه منه .. و حتى منتجات الالبان وحتى الحليب الطازج لا تعطيه الا بعد ما ايكمل تسع شهور ..

وبخصوص مده الرضاعه فلا تحاتين دام انه وزنه الحمدالله ايزيد لانه اغلب اليهال جذه .. يتدلعون علينا كل شوي يبون يرضعون وبس دقايق .. بس احس انه عادي اذا كان يرضع من صدر واحد بس في كل رضعه بس مهم جدااا انج اتوازني بين الصدرين عشان ما يستويلج احتقان .. يعني مره ايمين ومره يسار .. انا جي اسوي ويا ولدي ..

تدرين .. شكله ولدج شرات ولدي .. ترى الحلو الي عندي ايمص ايده بعد ,,, لاحظي ( ايده ) مب اصبوعه ..:30: وكل اشوي اطلعها ويوم البسه قفاز بو كف كامل بعد ايمصه ( عادي ما يفرق عنده ... المهم يمص شي ) الي بيشوفه بيقول هاي امه اموتنه من اليوع .. آآآخ يا القهر ... ولا يوم احطله المصاصه في حلجه ما يباها .. ايده طعمها مميز ..:eek: بس تدرين شو اسويبه يوم اوصل حدي منه ..
الفه ( يعني أقمطه ) واخليه ايلس ايرافس ويصرخ لين يتعب و عقب ينسى السالفه وافتحه .. ومرات ايمل ويرقد ..:42:

ياليت لو احصل حل حق هالعاده الخايسه ..

شكلي وايد ارمس صح ..

يا الله ما عليه اتحملينا .. حريم شو بتقولين ..:hahaha:

وتحيــــــاتي لج ..