خبرتكم في التعامل مع الكوارث الطبيعية ... للنقاش

السلام عليكم

كيفكم بنات؟ ان شاء الله الكل بخير وصحة وعافية

الحين كلنا مغتربات ... وكل بلد مهددة بكوارث طبيعية من فيضانات الى زلازل الى براكين وغيره كثير

لكن هل حنا مستعدين لهالكوراث ؟؟؟ ياليت القى نقاش هادف نقدر نستفيد منه جميع

وباحكي لكم عن تجربتي اللي لا كانت عالبال ولا الخاطر بس الحمدلله ربي سلم

اليوم وانا نايمة في امان الله .... حسيت بالدنيا كلها تهتز ... طنشت وقلت يمكن احلم او برا قاعدين يدقون شيء بالارض ... بعدها بثانية الا احس السرير يهتز زيادة واطالع في الجدران القاها والسقف والاشياء اللي حولي القى كل شيء يهتز ويروح ويجي مثل الموية ... واسمع صجة برا وناس واجد ... طبعا نطيت من السرير ورحت على الباب فتحته شوي والقى جارتي الهندية قدامي طبعا قلت لها وانا ارجف والدنيا تهتز

what's happening????

قالت لي

it's an earthquake !! get out !!!

طبعا انا صرت كذا :06::06::06:

قفلت الباب وانا اكلم نفسي شلون اطلع كذا !!!! مع ان الواحد في ذيك اللحظة مايفكر في شيء ويقول بس يالله السلامة ولكن لبسي كان مستحيل اطلع فيه

واركض على الغرفة البس اللي قدامي وهذا كله والدنيا تدور والملابس تنط مع الاهتزاز !! وكل تفكيري يقول خلاص البيت الحين بيطيح فوق راسي !! وين اروح ؟؟ وين اهرب ؟؟ بيقدرون يطلعوني ولا باموت ؟؟؟ :06:

لبست وسحبت جوالي وطلعت اركض برا !!!

المهم اني كنت في حالة ارجف والدموع في عيوني وادور على الناس ابي اطمن بس ان المكان اللي واقفه فيه آمن !

جارتي الهندية كانت واقفة فوق عند الباب مانزلت سالتها ليه مانزلتي !! قالت لي

the stairs were shaking so i couldn't go down

وحسب كلامها لانها كانت واقفه بره من اول مابدت الهزة ان كل الشجر والعماير وكل شيء كان يهتز بقوه يميييييين ويسااااااار ...

طبعا شبكة الجوال وقفت ماعد اشتغلت ... مااعرف شلون اتطمن على زوجي ولا هو قادر يكلمني !!

رعب رعب رعب

زوجي رجع من الشغل يركض عشان يتطمن علي !!! والحمدلله عدت بسلام

الزلزال كان قوته 5.8 .... انا الحين حول لوس انجليس وفي لوس انجليس قوته كانت 5.4

ويقولون انه وصل الى لاس فيغاس في نيفادا ... بس الحمدلله مافي خسائر في الارواح لانهم هنا طبعا مستعدين لكل شيء والمباني مبنيه عشان تتحمل الزلازل ...


المهم ..... بصراحة هالتجربة خلتني افكر !!! لو لا قدر الله ربي كتب عالمكان اللي نكون فيه كارثه ثانية !! وتكون اعظم واكبر من هذه التجربة !

كيف نتصرف ؟ وش المعلومات اللي لازم تكون عندنا ؟ وش الاشياء الرئيسية اللي لازم تكون معنا؟
اذا لا قدر الله الوحده كانت في مكان وزوجها في مكان وعيالها اذا عندها عيال في مكان ثالث !! شلون يتصرفون ؟؟؟

بعد هالتجربة قررت اني اجهز شنطه صغيره احط فيها كم لبس لي ولزوجي واشياء رئيسية واخليها في مكان حول الباب عشان اذا لا قدر الله صار شيء ثاني اسحبها واطلع ..... طبعا زوجي يضحك علي ويقولي تبالغين ... بس بصراحة افضل اكون مستعدة ولا اتورط بعدين !!