خبرتك في اشغال وقت فراغك عشان ماتفكرين بالحمل؟؟

SfSf

حبيبتي إذا تشتغلين زين نصف يومج في الشغل

وإذا لا

تقدرين تدخلين مواقع الطبخ وكل يوم اتسوين أكلة

أو اتسيرين في الأسبوع صالون واتسويلج تعديلات اشوي والله بتحسين ابتغيير

أو انج اتسافرين وهذا أهم شيء حتى لو فترة بسيطة أو حتى نهاية الأسبوع اتسيرين انتي وزوجج الفندق لمدة يومين واتغيرين جو

وكل ماتفكرين بالحمل استغفري ربج والله كل ماتفكرين

وحاولي قد ماتقدرين تطلعين من البيت ولاتدخلين المنتدى وايد هذا أهم شيء:)

عليك بتقرب من الله عزوجل بكثرت الصلاه والنوافل والذكر والصيام وقرآة القرآن في الليل والنهار..
الدعــــــــــــاء وقيام الليل..
قرات الكتب المفيده مثل: السيره النبويه..حياة الصحابه..كتب الشيخ عائض القرني ماشاء الله حلوه مره ومفيده..
في الزيارات العائليه وزيارت اهل زوجك....
ايضآآ في ترتيب البيت ووووووووووالخ..

اختي الطرق كثيره بس كيف نختار الي فيه الفايده والنفع ونصيحتي لك لاتكثري الخروج من المنزل لان المرآه مكانها البيت................
وبتوفيق اختي الغاليــــــــــــــــه...

حبيبتي
دخلي لج دوره للاعمال اليدويه
او دوره خياطه
او تطريز
حسب ميولج انتي وحسب هوايتج

انا عن نفسي دخلت معهد حق تصميم الازياء من سنتين وخذيت الشهاده هل صيف والحمدلله
وعلى هل شهاده انقبلت اكاديميه بنفس تخصصي يعني حق تصميم الازياء
لاني طلعت الثانيه على المعهد كله
ورغم كل هذا احس اني عندي وقت فراغ
اقضيه بالاعمال اليدويه
دخلت منتدى حواء حق الخياطه والاعمال اليدويه وتعلمت منه اشياء وايد
وكلها فادتني بالبيت وترتيبه
واذا ابد مالج خلق هل سوالف
نضفي بالبيت
حتى الاماكن التي لا ترى نضفيها وكل يوم ابدي بغرفه وعلى هل منوال

رغم اني انصحج تشوفين لج دوره حق هوايتج وايد احسن وصدقيني بتحطين حيلج فيها والله وهل شي انا اقوله لج عن تجربتي الشخصيه
قبل ما ادخل هل معهد بغيت اتخبل بسالفه الحمل
وللحين الحمدلله عادي بس لما اعطل واقعد بالبيت اخبل نفسي وامي وزوجي معاي

توكلي على الله وشوفي هوايتج شنو ودخلي دوره عليه
وترى بالدول العربيه يا مكثر الدورات

زي ما قالوا البنات ... احسن شي انك تطلعي من البيت وتقضي وقت مفيد اهم شي ...
اما بوظيفة حتى لو كان الراتب قليل لما تحسي انك بتفيدي غيرك وبتعملي شي في المجتمع راح ترتاحي...
او انك تاخذي دورة في حاجة انت تحتاجيها او تحبيها مثل دورات التجويد او الخياطة او الكمبيوتر....الخ

انا اعرف وحدة الله ما اعطاها اطفال فقامت كرست حياتها للقرآن ... ما شاء الله حفظت القرآن واخذت الإجازة براوية حفص عن عاصم ... واتعينت معلمة بمدارس التحفيظ بالمدينة ... وما اكتفت بهذا كمان اخذت الإجازة بباقي الروايات ... وقبل 3 سنوات اتوفي زوجها الله يرحمه ... وصار عندها وقت فراغ كثير ... صارت تدرس قرآن في مدارس التحفيظ في الصباح والعصر ... وفي رمضان والاجازات تدرس قرآن في الحرم لغير الناطقين باللغة العربية
ست كبيرة في السن يمكن عمرها فوق الخمسين سنة ما شاء الله عليها لما تقرأ قرآن

الله يرزق جميع المسلمين بالذرية الصالحة

الله يسعدكم والله ما قصرتو كلكم

بس اعجبتني فكره اني اخذ دورات في الفوتوشوب او اي شي ثاني في المنتدا بس وشلون ؟؟ وهل هي بفلوس ياليت تجاوبوني