مشكوره اختي ضوء نجد
طيب ماارديتوا علي بخصوص الخوط ايهم افضل القطريه اوالاتحااد او الخليج ضروري جدا

جزاك الله خير ياظل والله يكثر من امثالك نزلت السوق طبعا بعد ماكتبت القائمة بس ماكان في احد يساعدني في اختيار الماكياج اخذت كم غرض وطلعت وان شاء الله انزل في اقرب فرصة

ظل الياسمين الف شكر حبيبتي ***** الله اروح لبوتس
لودي نحن بانتظاااااااااااااااااااااااااااااااااااااااااااارك ...

الجزء الاول

السلام عليكم ..

بالبدايه لما نتكلم عن مشاكل الشعر و خاصه التساقط لازم نرجع كلامنا لأسباب هذا التساقط هل هي وراثيه ام صحيه جسمانيه ام نفسيه ام لظروف البيئه الخارجيه كتغير الماء و تغيرات الجو او احيانا لبعض الاسباب زي لبس الحجاب لفتره طويله و ربط الشعر للخلف ..الخ

طبعا بحكم اننا بالغربه فأكيد لاحظتوا تغيرات على شعورنا من جينا هنا عكس بلدنا و من وجهة نظري اعتقد الاسباب تعود لتعود الشعر على ماءنا و للبس الحجاب لمده طويله مع ربط الشعر بقوه و دائما للخلف و لاسباب اخرى مهمه جدا و هي النفسيه و ايضا ممكن تكون صحيه لتغير الاكل و احيانا قلة الاكل..

طيب كيف نحاول نرجع شعورنا اللي طاحت او على الاقل نحافظ عليها.. بحاول اذكر لكم بعض الحلول لبعض الاسباب و لكن بالنسبه لاسباب اخرى زي الوراثيه ما راح احد يقدر او النفسيه اللي بتكون عليكم .. حاولوا تتخلصون منها بأسرع وقت..

خلونا نبدأ بصحتنا من الداخل ( الغذاء):
حاولي تاكلين اكل متنوع و كثري من الفواكه و الخضار الطازجه.. قاعده الاجانب بأكل الخضار و الفواكه و اللي يعودون اولادهم من هم صغار عليها هي اكل 5 حصص من الفاكهه او الخضار يومياً..

تأكدي من دخول البروتين لجسمك و المتمثل بالحليب و مشتقاته و البيض و اللحوم و البقوليات..

الماء ضروري .. اشربي على الاقل 8 اكواب باليوم يعني 2 ونص لتر هذي العلبه ب نص لتر يعني 5 منها باليوم



او 2 من هذي = 1 لتر و وحده من اللي فوق


الحين نتكلم عن بعض العادات اللي نسويها بشعرنا بحكم وجودنا هنا منها ربط الشعر للخلف لذلك نحاول قدر الامكان اطلاق العنان لشوشنا بالبيت :bkh: لا تربطيه و اذا تربطينه او متعوده تربطينه على جنب معين غيري للجنب الثاني..

حاولي تخلصين شعرك من القشره اذا موجوده او الجروح و الحبوب اذا فيه ومنها شامبو نيزورال سعره 4.99 باوند في بوتس
Nizorelle Dandruff Control Shampoo for Normal Hair


او نيتروجينا اللي حجمه 250 مل سعره 6.49 باوند في بوتس و اللي 125 سعره 4 و شوي
Neutrogena® T/Gel® Therapeutic Shampoo


نجي الحين للمكملات الغذائيه و هي حبوب من الصيدليه فيتامينات و غيره منها
perfectil للعمر من 12 سنه و فوق


هذي ممتازه للشعر و الاظافر و البشره من بوتس العلبه فيها 30 حبه و سعرها 8.99 باوند و عليها عرض تاخذين 2 الثالث مجاني يعني يطلع لك 90 حبه ب 17.98 باوند حق 3 شهور.

و برضو فيه هذي من بوتس
30 حبه ب 4.99 باوند و برضو عليه عرض 2 الثالث مجاناBoots Skin Hair and Nails العمر للاطفال من 12 سنه و فوق


و برضو الملتي فيتامين كويس يكملك كل الفيتامينات الناقصه بجسمك مثل سنترم سعره ب 8.99 باوند 60 حبه من بوتس و ما تصلح للاطفال دون سن 11 سنه
Centrum


ملاحظه:
اذا كنت حامل انتبهي ان هالفيتامينات تصلح لك او لا او عندك مرض معين ( ضغط- سكر ..الخ ) و برضو الاطفال ما تصلح لهم الا بعمر معين لذا ارجو الاستشاره قبل الشراء..

الحين نجي للعنايه الخارجيه بالشعر من زيوت و خلطات و غسيل الشعر و اقدر اعطيكم من خلال بحثي لاني للحين ما استعملتها بس قريت عنها كثير كثير كثير بالانجليزي و امي طبقتها لاني لسى ما رحت اشتري الاشياء و على كلام امي و شوفتي شعرها بالكام النتائج مذهله..

شعور الهنديات تعجبكم اكتشفت سرها ( الاعشاب الهنديه)..

شعر هالهنديه كان كذا ( قبل)


و بعد الخلطه صار كذا ( بعد )


انتظروا الجزء الثاني من الخلطات مو تشويق بس عشاني جالسه اجهزه لان يبي له شغل و غير كذا يبي له تركيز
رااااااااااااااجعين

حياك الله اختي ظل واي وحده بتشرف معنا اذا ماشالتكم الطيااره تشيلكم عيوني