تعالو نتناقش في هالموضوع ( بس بدون التطرق لتفاصيل تخدش الحياء )
هل فعلا المنتجات الزوجية و اللانجري تأثر على عواطف زوجج ناحيتج؟
هل مرة حلت مشكلة بينك و بينه ؟
هل أثرت على سعادتكم؟
و ما في مانع تذكري تجربة ( بس بدون التطرق لتفاصيل تخدش الحياء )
رأيي الخاص
أنا أجدها تؤثر على اشتياق الزوج لزوجته و تجدد في حياتهم و تضفي عليها حيوية كبيرة
يعني مثلا
لما زوجك يرجع من برة تعبان و يريد ينام و يلقى بتلات ورد منثورة على السرير
شكثر هالمنظر يريحه و ينسيه همومه
أو لما يطلبك لوقتكم الخاص و تفاجأيه بحركات جديدة مثل:
طقم اندروير موسيقي
أو
تسوين له مساج بلوشن يولع في الظلام
أو ترسمين على جسمه بألوان ..... بس ألوان غير ألوان تنأكل بنكهات
تم حذف الصورة
و الحركات ما تنعد
هذي كلها حركات تأسر حواسه و تخليه مشتاق يرجع لج يشوف شنو الجديد
كأنه شهر عسل جديد ....... ما يخلص
بالنسبة لي
فادتني هالحركات بعض المرات في الاعتذار و المصالحة ...
و كانت تسعفني لما يكون متضايق
تشيل الضيق اللي في صدره و تخليه يضحك
لكن أيضا بمحاذير
شلون...
يعني مو معقولة تنتظري من زوجك يفرح بحركاتك و انتي مثلا مهملة في بيتك أو معاملتك سيئة للأهل و الجيران أو ما تهتمي بعيالك أو و هذي أهم نقطة
ما تهتمي بعلاقتك مع ربك !!
تأدي فروضك بملل
ما عمرك شلتي قرآن
ما عمرك قمتي الليل
النقطة اللي ابي اوصل لها هو انك لما تستخدمي هالحركات يكون في ذهنك انك تستخدميها ارضاء لزوجك و لكن لهدف أسمى و هو نيل رضا رب العالمين اللي أمرنا نحسن تبعلنا و نطيع أزواجنا و هذا هو الهدف الأسمى لكل أعمالنا رضا رب العالمين
بانتظار آرائكم و تجاربكم
و لكن اول مرة اسمع بهذا اللوشن اللي يضوي بالليل