أنا قاعده أشطب شقتي الجديده وعقبال العايزين ان شاءالله وعقبالي بالفله ان شاءالله وأنا عارفه حوسة اختيار المطبخ لأني لفيت تقريبا كل محلات المطابخ عشان ألاقي الشكل والتصميم اللي في بالي وكمان نوع الالمنيوم اللي في بالي وبسعر معقول ...
وأخيرا يابنات والله لقيت محل اسمو ميلانو بصراحه أنا وزوجي لمن دخلناه بس كنا نبغ نتفرج وناخذ أفكار لأنو باين من المحل انو اسعارو غاليه وكل ماٍسألناه عن شي يقلنا احنا مانستخدم غير افضل شي واحنا ماعندنا غير الايطالي والاوربي ومعرف ايش..
المهم أحنا قبلو رحنا عند محل اسمو المجمع السعودي لمطابخ الالمنيوم وجانا البيت ومترلنا المطبخ وجهزلنا التصميم وكل شي وطلع حسابنا 12500 واحنا قلنا انو محل عادي ومايستاهل ذا السعر وخاصة انو ماعندو المنيوم اكريليك الاهو اللماع اللي زي المرايه ..
ونرجع لميلانو المهم دخلنا نتفرج ومررره عجبنا هو تقريبا أحلى من مطابخ ايكيا وعندو خشب والمنيوم وزوجي قال خليه يجي يمتر احنا ايش خسرانين اذا اعطانا سعر اكثر من الاول بالف او الفين بنسوي عندو لانو شغلو خيالي وعندو الاكريليك اللميع ووافقت على فكرة زوجي مع اني كنت متوقعه يعطينا سعر قريب ال20000 ...
المهم وجانا الرجال واخذ المقاسات وراح والله يابنات من يوم راح وانا نفسي مصدوده منو مابغ ارجع وأعرف سعرو لأني متأكده اني راح انقهر لأني ماراح اقدر اسوي عندو والله حتى زوجي معد اتصل عليه وبعد اسبوع والرجال يدق وزوجي يطنش >>>>خايف ههههه
والرجال يدق يدق اللين زوجي رد وقلو طيب نجيك الاسبوع الجاي وانا قلتلو طالما خليناه يجي يقيس لازم نروح عندو ونشوف السعر ونخرج عشان هو يسيبنا خلاص..
ولمن رحنالو تخيلو قلنا السعر كم ......
قال >>>> 10500 ريال
انا وزوجي صرنا نطالع في بعض وفاغرين>>>هههههههههه
من الفرحه زوجي بدل مايقلو نقصلنا في السعر قلو سعرك مررره حلو ومناسب>>>>ورطنا
ومع الزيادات طبعا انا زودت دولاب طويل مع رفوف ترولي حق المعلبات وزودت كمات دولابين طوال وصل السعر بالظبط 12000 ...
بصراحه يابنات المحل ابداااااااااع هو عنوانو في شارع صاري بين دوار الفلك ودوار الهندسه في النص في نفس الصف اللي فيه الضبا مول ...
اللي تبغ أي استفسار عن المحل تواصلني عالخاص..
وهذي الصور صورتها من المحل بس ماصورتها كل اللي في المحل في عندو كمان مطابخ لون خشبي..
المطبخ الموف المنيوم اكريليك لميع..
والاسود كمان المنيوم اكريليك لميع..
اما العودي خشب لميع..
بنات ايش رايكم نفسي اسوي مطبخي لون اصفرفاتح مع ادخال كم دولاب بالفضي..
اللي تمر من هنا تدعيلي ربي يرزقني بتوأم بنات..
اسال الله العلي العظيم يرزقك بتوام بنات