هلا حبيباتي ..
هذي الصور نزلتها الأخت شيره نت بناء على طلبي..
ترى التصوير مو قد كذا لأني كنت مستعجله عشان كان بيقفل المحل ..
المطبخ الأسود والمطبخ الموف المنيوم اكريليك..
والمطبخ العودي خشب لميع.. وفي عندو كمان خشب عادي بس ماصورتهم..
ان شاءالله تكون عجبتكم الصور..
حبيت كمان استشيركم في لون مطبخي..أنا نفسي في لون فاتح وفرايحي وغريب..
فقررت اسوي اللون الأصفر مع لمسات من الفضي علما ان أجهزتي كوولها فضي... وكمان الألمنيوم حيكون اكريليك لميع زي اللي في الصوره...
تخيلوه عالاصفر وادوني رأيكم..
واللي تمر من هنا تدعيلي بتوأم بنات..

جزاك الله خير ياااارب من جد فكيتي عني ازمة المطبخ الله يسعدك

ان شاءالله بروحه باقرب وقت

وربي موضوعك حمسني وفررررحنيييييي مرررررررررررررة الله يفرحك ويفرج لك زي ما فرحتينا وفرجتي علينا بس ياليت اذا خلص تقولي لنا عن جودة العمل والتركيب واكوون لكي شاكرة
اللهم ياربي ارزق اختي الغاليه صاحبة الموضوع بتؤام بنات عاجلا غير اجل ياكريم
اللهم امين امين

الله يجزاك خير

مشكوره اختي أم ليان الحلوه...
وبالنسبه للمقاسات أنا مقاس مطبخي من اليمين 3,60 ومن الأمام 3,80 ومن اليسار 4 أمتار ...
وحسبلنا ياه من غير الاضافت ب10500 ريال..
بس أنا أضفت دولابين طويله واحد للترولي حق المعلبات وواحد للتخزين .. زودلي بس 600 ريال..
وكمان زود سعر اكسسوار الترولي ب900 ريال.. وطلع حسابي 12000..
بالنسبه لرقم المحل ممنوع ينحط في الموضوع وماراح اقدر ارسلو عالخاص لان باقي ماوصلت مشاركاتي 50 مشاركه..
بس بوصفلك المحل ترى وصفو سهل ..
هو في شارع صاري موقعو في النص بين دوار الفلك ودوار الهندسه وجمبو في نفس الصف في محلات مطابخ كثيره وفي كمان مركز الضبا مول..
ان شاءالله تكوني عرفتي الوصف..