ماشاء الله لاقوة الا بالله
الله يسعدهم فيه ويسعد ك حبيبتي عاجزين عالشكر كل يوم موضوع احلى من الثاني
وأفكار جميلة جدا وفقك الله ورزقك الولد الصالح .
ماشاء الله لاقوة الا بالله
الله يسعدهم فيه ويسعد ك حبيبتي عاجزين عالشكر كل يوم موضوع احلى من...
اليوم راح نفرح الشيفات اللي دائما يطلبوا صور المطبخ ..واخيرا وصلوا الصور ..
طبعا المطبخ المفروض كان يكون بالبيسمنت ولاسباب خارجه عن الاراده صارت شويه لخبطه واضطروا يغيروا المكان ..
المهم المطبخ صار بالطابق الارضي ..طبعا هو منضمن تشكيله البيت يعني مو بملحق ..بس الحلو انه بابه خارج الفله وانا في صور الصاله راويتك الباب اللي يؤدي للممر المفتوح اللي يوصلك للمطبخ ..وهذا باب المطبخ ..واتمنى انك فهمتوا قصدي ..
الحين ندخل المطبخ ..
طبعا المطبخ باللون الاخضر الزيتي ..السراميك تحت اخضر وفوق ابيض وبينهم بوردر للمطابخ ..الكبتات المونيوم اخضر زيتي ..بس اختي كانت اشطر مني ضبطت لون السراميك على لون الالمونيوم ..
الركن الاول ..
على ايدك اليسار وانتي داخله ..
الكبتات تحت وفوق ..وعلى الزوايا كبتات كبيرة زجاجيه ..طبعا فيه نافذه وحده فاصله الكبتات العلويه ..
صورة اقرب للكبتات اللي على الزوايا ..وطبعا مع السبوت لايت ..
الركن الثاني ..
هذا الركن فيه بعد كبتات فوق وتحت ..فيه الفرن والمغسله ..
صورة اقرب ..وطبعا الشفاطه ضروريه فوق الفرن ..
وكانت اختي ناويه تعمل جزيرة متصله في الوسط بين الفرن والمغسله ..بس بعدين غيرت رايها خافت تصغر من مساحه المطبخ وفي نفس الوقت بتفصل بين الفرن والمغسله وبتكون الحركه بينهم صعبه ..
علشان كذه عملت طاوله العمل بدل الوسط حطتها على جنب في الركن الثالث ..حلوة للخبز وتجهيز الاغراض ..
الركن الرابع ..طبعا للثلاجات والفريزر ..