بسم الله الرحمن الرحيم
قالوا جديدك قلت ما من خبـر هـام
...................أمـن وأمـان وجعـل ربـي يديمـه
الخيـر وافـر والبلـد كلـه أنعـام
...................الله يكثـر فــي بلـدنـا نعيـمـه
قالوا نشوف السوق والشارع زحـام
...................حاله غريبـه فـي البلـد مستديمـه
بنات حواء بيـن عدنـان وعصـام
...................كـل ٍ تسـوق والعواقـب وخيـمـه
تلبس لباس الغرب مجبـوع الأكمـام
...................وكـل المفاتـن بينتـهـا حليـمـه
تبيـن المحظـور فالشـارع الـعـام
...................وتمزح مع البايـع وهـاذي جريمـه
وش قلت فالموضوع وش دور الأعلام
...................وراه راع البيـت يـتـرك حريـمـه
يوم أنت شاعر هل؟ ألك دور وسهـام
...................وبينـت لأفكـارٍ غزتـنـا عقيـمـه
قلت أيه شفت وقلت وش يرض الأنام
...................كلٍ يشـوف أفعـال عقلـه سليمـه
ومن لا يراقب لأسرته دلـخ وخمـام
...................لاوالله الا يالنـشـامـا بـهـيـمـه
والسوق يرتـاده شريفـات وحشـام
...................وألا بعضهـن مانـحـب الظليـمـه
وأنا افتخر باللي على صدرها وسـام
...................وسام الشرف تمشي بعـزم وعزيمـه
أفخر بمـن تتبـع تقاليـد الإسـلام
...................متدينـه رغبـه ورهبـه وشيـمـه
ماقلـدت للغـرب عبـاد الأصـنـام
...................فيهـا حيـا فيـه صفـاتٍ كريـمـه
تحفظ كرامتهـا عـن أنـذال وقـزام
...................عفيفـةٍ فيهـا الأصـالـة قديـمـه
تحفظ كتـاب الله وتعـرف الأحكـام
...................ماتنجرف مـع موضـة المستهيمـه
ألباسها مـن رأسهـا ليـن الأقـدام
...................حجابها حشمـه وتمشـي حشيمـه
ماتابعـت بالـدش رقصـات وأفـلام
...................ولا غيروها أهـل العقـول السقيمـه
ماغيروهـا اللـي يبثـون الأوهـام
...................نـاسٍ تـروج للصفـات الذميـمـه
مابرمـج بجوالهـا أسـرار وأرقـام
...................عظيمـة المبـدأ وتبقـى عظيـمـه
عاشت عزيزه مامشـت درب الآثـام
...................حـره نقيـه طـاهـرة مستقيـمـه
لعيونها أوقع وبـا ابصـم بالإبهـام
...................لبنت الشرف عنـدي مكانـه وقيمـه
لشاعرها :/ موسم سفر الغثامي
Oo الــدخيــله oO @oo_aldkhylh_oo
مساعدة مشرفة الواحة الأدبية
يلزم عليك تسجيل الدخول أولًا لكتابة تعليق.
أفخر بمـن تتبـع تقاليـد الإسـلام
...................متدينـه رغبـه ورهبـه وشيـمـه
ماقلـدت للغـرب عبـاد الأصـنـام
...................فيهـا حيـا فيـه صفـاتٍ كريـمـه
تحفظ كرامتهـا عـن أنـذال وقـزام
...................عفيفـةٍ فيهـا الأصـالـة قديـمـه
كفوووا له حق يفخر دام احلى الصفات فيها .
يسلموووو
...................متدينـه رغبـه ورهبـه وشيـمـه
ماقلـدت للغـرب عبـاد الأصـنـام
...................فيهـا حيـا فيـه صفـاتٍ كريـمـه
تحفظ كرامتهـا عـن أنـذال وقـزام
...................عفيفـةٍ فيهـا الأصـالـة قديـمـه
كفوووا له حق يفخر دام احلى الصفات فيها .
يسلموووو
قصيده صادقه ومليانه اعتزاز يرفع الراس
نقلتس دايم جزل أضن ذوقنا متقارب
بس اعجبني شي وماحبيت اعديه تدرين وش اعتزازتس انتي بكونس انثى وانتمائتس المفرط لهذه الارض الطاهره
ابقي زي مانتي
لاهنتي
نقلتس دايم جزل أضن ذوقنا متقارب
بس اعجبني شي وماحبيت اعديه تدرين وش اعتزازتس انتي بكونس انثى وانتمائتس المفرط لهذه الارض الطاهره
ابقي زي مانتي
لاهنتي
والسوق يرتـاده شريفـات وحشـام
...................وألا بعضهـن مانـحـب الظليـمـه
وأنا افتخر باللي على صدرها وسـام
...................وسام الشرف تمشي بعـزم وعزيمـه
أفخر بمـن تتبـع تقاليـد الإسـلام
...................متدينـه رغبـه ورهبـه وشيـمـه
رائع مانقليه ياالدخيله.دووم مبدعه..يعطيك العافيه
...................وألا بعضهـن مانـحـب الظليـمـه
وأنا افتخر باللي على صدرها وسـام
...................وسام الشرف تمشي بعـزم وعزيمـه
أفخر بمـن تتبـع تقاليـد الإسـلام
...................متدينـه رغبـه ورهبـه وشيـمـه
رائع مانقليه ياالدخيله.دووم مبدعه..يعطيك العافيه
الصفحة الأخيرة
...................وسام الشرف تمشي بعـزم وعزيمـه
أفخر بمـن تتبـع تقاليـد الإسـلام
...................متدينـه رغبـه ورهبـه وشيـمـه
ماقلـدت للغـرب عبـاد الأصـنـام
...................فيهـا حيـا فيـه صفـاتٍ كريـمـه
تحفظ كرامتهـا عـن أنـذال وقـزام
...................عفيفـةٍ فيهـا الأصـالـة قديـمـه
اي والله تسلمين يالدخيله