دنيا من الفرح :

رفوووله أنا مويسيعه صغيره بس كبيره شوي للأمثال <<< أستهبل أستهبل بغيت اقول عن مثل مقابل الجيش ولا مقابل العيش غير فكره بمعنى أنو تقابل الجيش وتقاتل و لاتقابل سبب العيش *شرح/يعني المهنه اللي تكسب منها عيشك مقابلها صعب أصعب من الحرب &^&^&^&^& يداك أوكتا وفوك نفخ ... هالمثل يالغاليه أخذناه باولى ثانوي وأنا اللي قريت الدرس بال*** وتنحت تناحه ما بعدها قريتها (كتافوك) يعني أو للربط والتخيير وكنت أحكي لأختي الحكايه أول ما قريت مثل الحشف والكيله نزلت تحت لقيتك كاتبته صرخت وجلست أضحك أسترحت أنو فيه أحد تورط مثلي طيب بأرجع أعلق على أمثال كثير وبأعدلها حسب سماعي وثقافة مجتمعي بالنسبه للمثل العنوان حنا نقول (( تمرة الجيران حلوه )) وهذا الواقع يا زين مرقوق جارتنا (عمك ماهو بخير من منول وطاح عليه المنخل ودهشره ) تصدقون كتبت الشرح ثلاث مرات وعجزت اوصلها صح فمسحت كلش بس تشبه (القشه اللتي قصمت ظهر البعير ) وعندنا مثل ( كل ما جيت أبا أجي صقر وأني بومه ) وتكملته وكل ما جا زمان قلت الزمان الثاني يضرب للشهير بالتسويف ويأجل تحسن أحواله للأبد وكمان ( مكسر كوره وأرنبه راقد) ويروى عن من لايجيد تدبير أمره وهالمثل حكايه أن رجلاً كان مسافراً على راحلته فأناخها فوجد أرنباً نائما فأراد أكله ولم يجد ما يشعل به النار فأنزل الكور وهو الخشب اللذي يوضع فوق الراحله ليتسنى الجلوس عليها براحه فأستيقظت الأرنب على صوت التكسير فهربت ولما أشعل النار لم يجد الأرنب فخسر الكور وخسر الأرنب<<< أكبر دليل أنها خريجة عربي <<< عسى فهمتوا وهذا هو الكور (معايد القريتين) الظاهر أنه واضح بس بأشرحه وهو أن رجل طماع قال أن أهل القريه المجاوره يحطون أكل العيد بوقت سابق لقريتنا بروح أكل من عيدهم وأرجع لعيدنا وأكل منه اللي صار أنه تأخر بالطريق ولما وصل لقاهم قدهم شالوا أعيادهم ورجع مسرع لقريته وبسبب طول الطريق لقاهم بعد قدهم شالوا أعيادهم وصار معايد القريتين

رفوووله أنا مويسيعه صغيره بس كبيره شوي للأمثال <<< أستهبل أستهبل بغيت اقول عن مثل...