مساكم الله بالرضا يابنياتي الذربات وعسى بس ماحولنا رفلا :angry:
لزوم مع الاكله .. تكون اللهجه حتى تعطي نكهة اخرى للاكله
وانا افداكم هذه هنيه عوس المشرات ويقول المثل عوس يديه ضحكت له سنيه << الترجمه..فديتكم هذه هنا طبخة السنعات .. وصنع يدي تضحك له سنوني
المشره بيتها يعج بريحة الخمير كل صباح وعصريه .. << الترجمه السنعه بيتها تفوح فيه رائحة الخمير ..
ياخياتي ترون هذه كيكة كهيلنا وقحامتنا ..<< الترجمه يااخواتي ترى هذه الاكله المفضله عند عجائزنا وشيباننا
والبنات ذلحين ماعاد فيهم فايده مساكين ..! ماخبرناهم يحوكون حوك مثل ضاري <<الترجمه البنات في هالزمن مايسوون مثل اول .. ولايصنعون الاكل مثل ماكان في السابق
،،،،،،،،
المقادير /
رزوز .. وهنا اعتذر عن الترجمه بصراحه .. تعجز القواميس مجتمعة عن فك تلك اللفظه ..واللي تعرف تترجمها تتفضل هع هع
بصل مقطع
رشة حلبه مطحونه محموسه
رشة ملح
شوي من الثوم المهروس
طحين دبي او طحين احمر .. يسمونه حمريه
مع ماء دافيء للعجن
يعجن جيدآ ثم يترك لمدة 3 او 4 ساعات لتتخمر
ثم على الصاج
البعض يفضلها سميكه والبعض يحبها رفيعه شوي
انا احب اسويها خبزة نحيفه مقرمشه
والعجايز يتقرطونها في الصبحيه والعصريه والمغربيه وكل الاوقات مع القهوه والشاهي وكافة المشروبات
وتقدم مع اللبن او زيت السمسم او الايدام
يااازينها مع السمك والكسيف .. تشهويتها :)
الصور تتحدث
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2448x3264 و بحجم 1210KB.
كهيلنا يحبونها مع المراعي
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2448x3264 و بحجم 902KB.
بالعافيه ياحباني .. وفي روايه .. ياصدقاني
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2448x3264 و بحجم 936KB.
عسى عوسي اعجبكم مهلآ .. :)