اسعدتم صباحا
المقادير
3 اكواب دقيق دبي للأكلات الشعبية
كمية من الماء اللي تخلي العجينة قريبة للسايلة
ماعندي مقدار معين لها
رشة ملح
تخلطين الدقيق بالموية مع الملح اما بالخلاط اليدوي او الكهربائي
واذا صارت الخلطة قريبة لهذي الصورة وسايلة
ابدأي خوذي ملي الملعقة وافرديها على الصاج بحركة سريعة
طبعا تكونين من قبل لاتبدين بالخلط وانتي مشغلة عين الغاز بدري علشان يحتمي
الصاج زين بعد ماتفردينها انتظري الين تبدأ الاطراف تشقر بعدها ارفعيها واقلبي
على الوجهه الثاني الين يشقر خفيف وعلى طول تشيلينها وتحطينها بصحن
او صينية لها غطى علشان ماتنشف
وادهنيها بسمن وسكر مطحون على الوجه وسكري الغطاء
وارجعي سوي وحدة ثانية من جديد وهكذا الخبز خفيف وروعه ومايتعب بالمعده
مافية قلي ولا شي
وهذا الشكل النهائى وعليكم بالعافية
اذا صاجك زي هذا ماراح ينفع لانة مطلي
بمادة ماتحمر الخبز ينفع للقطايف يخليها روعه اما
الخبز استعملي زي صاجي اللي بالصورة سرقتة من اختي
