السلام عليكم أخواتي في الله :)
كل مرة أشوف وصفة خبز ... أقول نفسي أعملها لكن بحس إني أكيد هفشل ... لأن بحس الخبز من أصعب الحاجت اللي ممكن تنجح.. بالنسبة لي على الأقل ... مش عشان مرحلة العجن .. لكن مرحلة الفرد و إننا نحط كل رغيف خبز في الصينية بالراحة و إنه ينفش أو لأ .. و كمان الفرن بيوزع الحرارة كويس و لا لأ ... و كل المراحل دي ... قلت خلاص أكيد عمري ما هجرب :mad:
لحد ما شفت موضوع الأخت راية الوردية ... و كتبت عن تجاربها في الطبخ و منها خبز البرجر ... و بصراحة من تجاربها و ملفها حسيت فعلا إنه خبز ناجح إن شاء الله :icon18:...
و دخلت على المدونة اللي جابت منها الطريقة و هي مدونة Top Chef .... جزاه الله خيرا فعلا عن هذه الوصفة الرائعة و الأهم الناجحة
أنا عملت التجربة و صورتها و قلت أشارككم بيها من الألف للياء ... لكن في الأول لازم تروحوا تقرأوا الوصفة كاملة من المدونة عشان فيها ملاحظات فعلا مهمة
http://topchefcooks.com/2011/02/12/burger-bun/
نبدأ بسم الله ...
أولا المقادير بالأكواب القياسية و الملاعق بترتيب مزجهم
نصف كوب بطاطس مهروسة (حبة بطاطس متوسطة تكفي لعمل نصف الكوب بالظبط)
6 ملاعق كبيرة زبدة تكون في حرارة الغرفة .... أو حوالي 80 جم زبدة (أنا استخدمت 60 جم فقط بالخطأ ... لكن الوصفة نجحت الحمد لله :icon31: )
2 ملعقة كبيرة سكر + 2 ملعقة كبيرة عسل (بعد ما دقت الخبز في الأخر حسيت إن ممكن أنقص ملعقة سكر في تجاربي القادمة لأني حسيت طعمه حلو و واضح )
1 بيضة في حرارة الغرفة
***********
نصف كوب لبن سائل (حليب) دافيء
ربع كوب من ماء سلق البطاطس دافيء أيضا
**********
نصف ملعقة صغيرة ملح
2 ½كوب دقيق
2 و ربع ملعقة صغيرة خميرة فورية
**********
لتلميع الوجه : بيضة + ملعقة كبيرة لبن سائل + سمسم أو حبة البركة ( أنا استخدمت ملعقة كبيرة حليب سائل + ملعقة صغيرة حليب بودرة و إداني لمعة خفيفة حلوة)
**********
االطريقة :
1- نضع البطاطس المهروسة + البيضة + الزبدة + السكر + العسل و نخلطهم جيدا بالمضرب الكهربائي أو اليدوي
1-burgur_bun
(لو خدتوا بالكم الزبدة لم تصل عندي لحرارة الغرفة .. فظهر المزيج محبب شوية ... لكن الحمد لله لم يؤثر هذا الخطأ على النتيجة النهائية)
2-burgur_bun
2- نضيف الحليب السائل و ماء سلق البطاطس و نخلط جيدا
3-burgur_bun
3- ثم الدقيق + الخميرة + الملح ... و نعجنها بالعجانة الكهربائية لمدة 5 دقائق ... أو عشرة لو باليد ... لتحصلي على عجينة لينة و ناعمة و تلصق باليد (مش زي عجينة البيتزا والفطائر ... أخف بكثير)
4-burgur_bun
5-burgur_bun
4- بعد تمام العجن نضعها في وعاء مدهون بزيت و نغطيها .. و نتركها حتى تتضاعف حجمها ... من 45 دقيقة فأكثر حسب دراجة حرارة الغرفة
6-burgur_bun
يتبـــــــــــــــــــــــــــــــع
أم عائش @am_aaaysh_11
عضوة فعالة
خبز البرجر الناجح و المظبوط (أو عيش الكيزر) لـ Top Chef .. خبز يتاكل حااااف
51
24K
يلزم عليك تسجيل الدخول أولًا لكتابة تعليق.
تسلم الايادي ..خبز مميز ..من ايادي مبدعه ..
والله يرزقك الحج هذي السنه يارب ..وانتي لاتنسيني بدعوه بالحج :27:..
والله يرزقك الحج هذي السنه يارب ..وانتي لاتنسيني بدعوه بالحج :27:..
الصفحة الأخيرة
6- بصراحة تشكيل العجين لكورة أخد مني وقت شوية عشان العجينة لينة قوي ... و يمكن دي أصعب خطوة ... بس لو عرفتي تكوري مرتين تلاتة ... بعد كده ايدك هتظبط ... و أحسن طريقة تغطي ايدك برشة دقيق خفيفة قوي و تاخدي الكورة و تلميها من الأطراف و بعد كده اقلبيها على الصينية على طول بحيث يكون العجين اللي لميناه لجوه الكورة هو قاعدتها ... يا رب تكونوا فهمتوني
7-burgur_bun
7- بعد ما تنتهي من التقسيم و التكوير غطي الصينية بفوطة جافة ... و لمدة محددة بالظبط و ما تزوديش عليها و لا ثانية ... من 30-40 دقيقة .. و من تجربتي كمان إن لما زودت التخمير في صينية عن الباقي .. كان هش قوي لدرجة تغيظ :biggrin:.. و إنتي برضه عايزة القوام المتماسك شوية ;)
8-burgur_bun
8- نشغل دلوقتي الفرن من تحت بس على درجة حرارة على 375 فهرنهايت .. أو 190 سلزيوس ... أو لو الفرن مرقم من 1 إلى 10 .. يبقى رقم 5
9- ندهن وجه الخبز بخليط اللبن و البيض و نرشه سمسم أو حبة البركة ... بس ما تدهنوش وجه الخبزو الجوانب كلها ... لأن فعلا بالتجربة دهن الجوانب بيلزق الخبز بالصينية و بيمنع ارتفاعه في الفرن .. و كمان بيحرق الحواف من تحت
10- حطي الصينية في الرف الأوسط من الفرن و رشي معلقتين ماء كبار على أرضية الفرن حتى تتبخر و تدي طراوة و ليونة إضافية للخبز و اقفلي على طول
11-بعد 13 دقيقة بالظبط هتلاقي إن الوش اتحمر و كمان من تحت إتحمر ... برغم إن فرني بطئ نوعا ما في الكيك لكن ظبط معايا المرة دي حتى في الوقت و لم أحتاج للتحمير من فوق إطلاقا في الخبز ده
ده مزين بحبة البركة
9-burgur_bun
و ده سبته من غير تزيين
10-burgur_bun
12- و أخر نصايح الشيف إن إتركوه يبرد على الشبك أقل شيء نصف ساعة ... و فعلا كل ما قعد كل ما طعمه بان (طبعا أنا كلام في سركم ما قدرتش أستنى النص ساعة :redface: بس فعلا اللي دقته بعدها و حتى تاني يوم كان أحلى من اللي دقته و هو لسه طالع من الفرن)
12-burgur_bun
و ده من جوه
13-burgur_bun
و دي صورة للخبز اللي ما كورتوش كويس و لميت أطرافه فتشقق من فوق شوية
11-burgur_bun
و أدي صورة للخبز من أسفل... صينية إتحمرت زيادة مني و صينية طلع مظبوط .. لكن الحمد لله الطعمين واحد و التحمير الزيادة من تحت كان مجرد تحمير خفيف مش حرق الحمد لله ... فمهم جدا برضه تشوفه من تحت وصل لأي لون عشان تطفي بسرعة عليه و ما يتحرقش
14-burgur_bun
بصوا مهما أقولكم عن مدى نجاح هذا الخبز و مدى إعجابي و زوجي بيه ...و إنه فعلا و صدقا خبز يتاكل حاف ... التجربة خير دليل .. و فعلا لازم تقروا ملاحظات الشيف كلها لأني حاولت بس ألخص الطريقة و تجربتي معاها .. لكن كل الملاحظات المهمة هتلاقيها هناك في مدونته
جزاه الله خيرا عنا و جزاكم عنا كل خير
أرجوا منكم طلب واحد و هو الدعاء بالحج