اليوم أعرض عليكم خبز نصنعه في البيت تقريبا كل البيوت الجزائرية
اولا المقادير :
كيلو سميد رقيق أو فرينة
حوالي 100غ زبدة دائبة
قرصة من حبة البركة ( يمكن الإستغناء عنها أو تبديلها باي كان )
ملعقة كبيرة ملح
ملعقة كبيرة سكر
ملعقة كبيرة خميرة الخبز
حبتين بيض
حليب
ثانيا التحضير
نحط السميد والسكر والسانوج ( حبة البركة) والخميرة والزبدة الدائبة ونفرك مليح باليد ثم الملح ونلمها بالماء حسب نوعية السميد
ثم نعجنها مليح باليد ونستمر بإضافة الحليب الدافي أثناء العجن ثم نضيف البيض ونترك حوالي كمية من البيض للدهن
ونستمر بالعجن إلى أن تصبح طرية جدا نتركها حوالي ربع ساعة
ناخذ صينية إما مربعة او مستطيلة او مدورة لكن كبيرة شوي ندهنها بالزيت ثم نرش عليها الطحين ونبسط عليها العجينة
السمك حوالي 1.5- 2سم ندهنها بالبيض المضاف إليه الحليب ونرشها بحبة البركة ونتركها تخمر مرة أخرى
ونخبزها في فرن ساخن
شهية طيبة للجميع