خبز الصاج الصغير 😕

عواطف تركي . :

وعليكم السلام العجينه مو شرط تحطين فيها حليب ممكن تكتفين بالماء الدافي لكن معروف ان الحليب يطري العجين وفي ناس حتى الزيت مايحطونه ولا السكر يكتفون برشة ملح خفيفه لكن انتي اذا بتطبقين الطريقه نفس المقادير اللي جربتيها لكن قللي كمية السكر والملح واول شي حطي الحليب الدافي في الوعاء مع ملعقه ممسوحه من الخميره ونص ملعقه سكر وحركيهم مع بعض وغطيه 5 دقايق يتفاعل ويتنشط الخميره ثم اضيفي له الزيت والطحين اللي يكون مخلوط مسبقاً مع رشة ملح خفيفه عشان يمتزج معاه كويس واعجنيه ثم غطيه يتخمر ساعه ثم ارجعي قسمي العجين كور متساويه وغطيها ترتاح 10 دقايق ثم ابدأي افرديها حسب رغبتك .. خبز الصاج اذا تقصدين اللي يكون مثل خبز الشاورما الرقيق مجرد افردي العجينه رقيقه ومباشره حطيها على صاج او مقلاه ساخنه بحراره متوسطه واول ماتلاحظين بدأ يتغير ويتماسك اقلبيه على الوجه الثاني بسرعه عشان ماينشف ويصير جاف ثم ارفعيه وغطيه بمنشفه واذا قصدك الخبز العربي اللي مثل المخابز افردي العجينه اسمك بشوي من خبز الصاج وبعد الفرد لازم تغطينها ترتاح اقل شي 10 دقايق الى ربع ساعه ثم تخبزينها على صاج او طاوه ساخنه بحراره متوسطه واتركيها على اول وجه بدون تحريك لثواني وبتلاحظين انها بدأت تطلع مثل الفقاعات وتنتفخ اقلبيها على الوجه الثاني بدون ضغط وبتلاحظين انها بدأت تنتفخ ويصير داخلها مفرغ مثل البالون ثم اقلبيها على الوجه الاول مره ثانيه عشان تكمل استواء وتاخذ شوي لون اشقر مثل لون الخبز وبس ارفعيها وغطيها بقماش

وعليكم السلام العجينه مو شرط تحطين فيها حليب ممكن تكتفين بالماء الدافي لكن معروف ان الحليب يطري...