كل عام وانتو بخير بنات حواء
اليوم جايبة لكم الوصفة والمقادير الأساسية لخبز الصاج اللي تشتهر فيه المطاعم
هذي المقادير مضبوطة ومش ناقلتها او من التجارب لكن وانا ياطوال العمر اتفرج باليوتيوب حطيت خبز الصاج طلع لي شيف بيعلمه بمطعم ولحسن حظي حاط المقادير مضبوط
وبصراحة ماتوقعتها سهلة لهالدرجة والنتيجة خبززززز صااااااااج خيااااالي
نبدا بسم الله
المقادير
م ك خميرة
م ك سكر
ملعقة ونص صغيرة ملح
3 ونص كوب طحين
وكوب الى كوب ونص ماي حسب الحاجة
زيت لفرد وتشكيل العجينة
الطريقة
نحط المقادير الجافة كلها ماعدا الطحين مع نص كوب ماء
نخلطهم
بعدين نضيف الطحين
ونعجن
نضيف موية حتى تتكون عجينة طرية وناعمة ونمسح يدينا بشوي زيت ونشيلها من العجانة ونحطها بوعاء عشان تخمر
هذي بعد الاختمار (ساعة)
يتبع لاتردوا
نقسم العجينة كرات ونجهز معانا زيت
ناخذ كرة وندهنا كلها بالزيت ونفردها بس لاتكون ثخينة احسن تكون رقيقة أنا افضل افردها بيدي بطريقة دائرية وكذا اتحكم بالثخانة وكمان بالشكل اكثر
ونحطها على الصاج
ونقلبها حتى تتحمر
وهذي النتيجة
انا ماحمرتها كثير هنا لان كنت ناوية احشيها لحمة وجبنة وسلطة وارجعها احمرها على الصاج وهذي النتيجة بعد الحشو والتحمير
وأتمنى يعجبكم شغلي وأعتذر لو الصور مو واضحة الاخت مبتدئة بالتصوير لووووووول ومستعجلة عارفين رمضان وشغلته وكمان اعتذر على قلة الترتيب لان مستعجلة كنت
وكل عام وانتو بخير