هذى الطريقه اعملها من سنين وهي ان شاء الله مضمونه ولذيذه
والاهم انها مقرمشه وماتشرب زيت كثير
لان هذا الطبق دايم نسويه برمضان ... ولما الناس تجيبه لنا دايم اشوفه لين وشارب زيت كثير ... وحنا نحبه مقرمش اشوي
المهم نشوف الطريقه والصور معا
العجينه :
3 كاس طحين ابيض
لحم مفروم .. (انا اخذ المواشي ..ثلاث ارباع المقدار ) ههههههه نسيت كم غرام فيه راح اتاكد واجيب لكم المقدار
1 بطاطه مسلوقه (كبيره او صغيره نفس الشي )
1 طماطه مفرومه
اشوي بصل اخضر مفروم
بصله وحده مفرومه
بهارات مشكله... وملح
اشوي بقدونس مفروم
ثوم فص او فصين مفروم
وممكن تحطين 2 ملعقة معجون طماط ان حبيتي
نخلط كل هذى المقادير مع بعض بدون الطحين
لما تتجانس مع بعضها
بعدها نضيف الطحين اشوي اشوي ونعجن فيها لما تتماسك وتفك عن سطح الوعاء وتصير متماسكه وما تلصق باليد
ويكون هذا شكلها
الحين نقطع منها جزء بالملعقه مثل ماظاهر بالصوره
ونحطها على زيت ساخن وغير غزير ( يكون مغطي القاعه بس )... ونبسطها او نفرش العجينه بظهر الملعقه بعد ما نزيتها اشوي بنفس زيت المقلى ( لاتخلين العجينه رقيقه حيل ولا تخلينها سميكه ) ونقلب فيها لما تتحمر من الجهتين
ونطلعها من الزيت ونحطها بالمصفىىىىى ... وراح يطلع معانا هذا الشكل
واسمحوووولي ما زينتها بوقتها ولا صفيتها بصحن التقديم كنت مستعجله وقتهااااااا :D
وعوافي
الله يسلم هالايااااااااااااااادي ويحفظك ربي ويحرسك من العين والحسد