ذيك المرة حطيت لكم خبز امي الرهيب..تلقونه على هالرابط
http://forum.hawaaworld.com/showthread.php?t=2118696
وهالمرة احط لكم نوع ثاني..
وان شالله يعجبكم حتى ممكن تاكلونه مع الشاي الاحمر ..
البارحة كان عشانا مع فول معتبر بعد اسميه فول امي هههههههههههههه
المهم ما نطول السالفة..
اكتب لكم المقادير والطريقة..
المقادير..
كوب كبير طحين
ملعقة صغيرة عسل
ملعقة صغيرة ملح
ملعقة صغير حبة البركة
ملعقة صغيرة خميرة( ماتكون مليانة)
ست ملاعق طعام زيت
ملعقة طعام اوريغانو
ملعقة طعام نعناع مجفف مدقوق..
ماء دافي حسب العجن
بعد ما نعجنها نحطها في ملة وننثر تحتها وفوقها طحين ونخليها لمدة ساعة
وبعد ساعة نسوي منها اقراص..
هذي الكمية سوت لنا اربع اقراص
وممكن تضاعفينها حسب الحاجة
بس امي سوت هالكمية لنها سوت الخبز الثاني ..
نحط الاقراص ف الفرن الحار فوق وتحت لين يستوي ..يينضج بسرعة لاتنسينه
وحطت معاه ملة فيها ماي ف الفرن والخبز كان درا مدار الملة
ماشالله انتفخ الخبز خسارة ما صورة وطعمه وريحته تهوس.ابوي استانس عليه اكثر من الخبز الاول..لنه ريحة الاعشاب اعطته ريحة وطعم مميز..
وكان هذا عشانا..
ماشالله كان روعة ..على قولة امي خنين ..:27:
وكانت مسوية الخبز الاولي الي خبركم..
واحلى شي ف الخبز تاكلينه وهو حار..
اتمنى يعجبكم..وتطبقونه..وتحطون ف قسم الاطباق المجربة..تطبيقنا لخبز ام هنودة..واااااااااو عاد استانس انا ههههههههههههههه
يالله بالعافية على قلوبكم جميعا..: )
ماشاءالله تبارك الله