خبز بالسمسم والبيض

طحين رقم واحد

طحين رقم 2

خميره بيره او الخميره الفوريه

ملح

ماااااااااااااااااااااااااااااااااااااء ..


هذا كان للعجينه

اما ما تضعينه فوق العجينه

سمسم

بيض

زعفران


تخلط المقادير بالتساوي

يعني كوبين طحين رقم 1 مع كوبين طحين رقم 2

واذا كوب طحين رقم 1 يقابله كوب طحين رقم 2

حلو الكلام ؟؟

وتخلط مع الخميره والملح والماء حتى يتكون لك عجينه نفس عجينه اللقيمات

سائله .... او عجينه العوامه على قوله اخواننا الفلسطينيين ..

بس لا تفركين في العجينه وايد .. واذا فركتيه فباطراف الاصابع ..


وبعدين اتحطين العجينه لتختمر ...

وبعدين تجيبين الخبازه الكهربائيه

او

مادري شو يسمونها اللي هي على شكل حديده دائريه الشكل ...

المهم

اذا عندك الخبازه احسن ..

تاخذين ملئ كفك عجينه وتحطينه على الخبازه من فوق طبعا .. وتفردينها تبللين ايدك بالماء وتفردين العجينه على شكل دائري ...
وتخلينها عجينه رقيقه ....

واثناء ما تحمر العجينه

تكسرين بيضتين او ثلاث بيضات

وتاخذين منها اشويه بعد ما تخفقين البيض مع الزعفران وتدهنين فيها سطح العجينه ....

وترشين سمسم ..

بعد ما تحمر العجينه تاخذينه وتفتحين الخبازه وتحطين داخل الخبازه لتحمر الوجه

واللي ما عندهم الخبازه فبعد ما تخبزين الخبز على الحديده ... تحطينه في الفرن وتشعلينه من فوق ... علشان يحمر الوجه .

وبعدما تخلصين من الخبزه الاولى ترشين عليها بزيت زيتون وتخلينه على سطح قماش وتغطينه بنفس القماش او غيره ويفضل القماش يكون من القطن .. علشان ما تترطب الخبز وتخترب .وتكررين العمليه ... طالما الخبز حاااااااااار لازم اتحطينه على قماش بس يبرد تقدرين اتحطينه في قصدير او في اكياس الخبز ...


وتاكلينه مع العسل او اللبنه .

وبالهنا والشفا ..

وادعولي .:27: