راح اسدح لكم الطريقه
المقادير بسيطه وسهله مره
انا سويت كاسين طحين وجابت لي 6 اقراص
المقادير
2 كوب طحين
2 ملعقه كبيره زيت
2 ملعقه كبيره سكر واذا تبيه حالي زيدي ملعقة سكر
نص كوب ماء للعجن
وطاسه زيت اتركيها على جنب
الطريقه
اخدي الطحين وخلطي معاه السكر ثم حطي ملعقتين زيت وصبي الماي شوي شوي وانتي تعجني
خليها طريه وناعمه
بعد ماتعجني العجينه اخديها وقطعيها الى 6 قطع
او 4 قطع
على حب اللي انتي تبي قرص كبير او صغير
بعد مانقطعهم ناخد القطعه الاولى ونفردها بالنشابه ونسويها قرص دائري
وبعدين نجيب طاة الزيت
وناخد فرشاه ونغمسها بالزيت ونقوم بمسح وجه القرص بالزيت
وبعد مانمسحه نقوم بلف القرص على شكل اسطوانه
وبعد ماتصير اسطوانه نلفها بشكل داري حلزوني
ونتركها
ونكمل مع القطع الباقي
نقوم بتسخين مقلاه مع مسحة زيت خفيفه
وناخد القطعه الاولى ونرجع نفردها بالنشابه بالحجم اللي احنا نبيه وراح يكون القرص طبقات
وبعدين ناخد القرص ونضعه على المقلاهحتى ينضج من الجهه الاولى ثم نقوم بقلبه على الجهه الثانيه
ونتركه حتى ينضج
ويصير بالشكل اللي انتم شفتوه
مو تتركوه واجد على النار تحرقوه
خلصتي من القرص الاول
روحي للقرص الثاني
تقدرو تكثرو كميته
او تقللو
المقادير سهله مره
ان شاء الله فهمتو علي
وادعو لي

بالهنــا

الله يعطيك الصحه