الخبز هذا غرامي واحبه مع الشاي ويارب ينول الرضا
سويت لكم نصف مقدار وضاعفيه مثل ما تحبين
كوبين طحين ابيض (انا بدلت نص كوب ابيض بأسمر)
ملعقة اكل سكر
م ص ملح
3 ملاعق اكل زيت
3/4 كوب ماي فاتر
كله بالعجانه لما يصير كره
كوريهم 6 كور متساويه وغطيهم بنايلون مدة ربع ساعه
هنا فرمت زيتون اخضر مع رشة اوريغانو وجبن رومي مبشور
كل كره تنفرد بشكل رقيق جدا على نتف من الطحين
خلصي شوية زبده مع زيت وامسحي العجين بالفرشاه شوي
هنا رشي سكر ابيض وقرفه
تنبرم العجين مثل السويسروم
ابرميها بيدج عشات تتساوى ما تصير متينه من النص ورفيعه من الاطراف
لفيها حلزوني ولصقي الطرف على تحت اثنيه
هنا رشيت الزيتون والجبن لا تكثرين حشوه اهو خبز مو فطيره
ادهنيهم بالزيت والزبده و رشيت نتفة اوريغانو على وجه الخبز اللي محشي زيتون عشان اميزه غطي العجين وريحيها نص ساعه
بعد ما ترتاح هاتي النشابه وامشي عليها بالعدال
هنا العجين لونه غامق من القرفه عشان جذيه لا تكثرين
صخني التاوه السوده او مقلاة تيفال وحطي مسحة زيت واخبزي الاقراص
ممكن تغطينها ثواني بغطا جدر عشان تضمنين انها نضت من داخل قلبيها على الويه الثاني
بالعافيه يا قمرات