السلام عليكم و رحمة الله و بركاته..
أول شي أحب أدعي بالرحمة و المغفره لأم فيصل الله يجمعنا بها في جنات النعيم و يغفر لها و يصفح عنها مع اني و الله ما أعرفها..
هذي وصفة خبز الهمبرغر و ممكن تستخدموها للمعجنات سويتها و حبوها أولادي كثير ..
سريعه و ان شا الله مضبوطه من أول مره.
المقادير:6 أكواب دقيق منخول
ملح
ملعقه كبيره خميره
2 كوب حليب دافي
ربع كوب ماء دافي
ربع كوب سكر
ربع كوب سمن ذايب
نخلط السوائل مع بعضها و نضيف لها السكر و الخميره و بس تنفش الخميره نضيف الدقيق و الملح و نعجن كويس الى ان يصير عندنا عجينه حلوه و متماسكه بس مو ناشفه(لينه نوعاً ما)
نقطع العجينه و نرش صينية الفرن بالدقيق و نكور كل قطعه و انا عملت منه للهوت دوق.
نتركها تتخمر الى ان يزداد حجمها.
ندهن وجهها بحليب و نرشه بسمسم.
نحمي الفرن و نخبزها و ما تاخد وقت بالكثير 20 دقيقه..
و هذي أول ما طلعتها من الفرن:
ملاحظه هامه جداً:بعد ما تطلع من الفرن نغطيها بقطعة قماش و فوقه كيس نايلون علشان تطرى عندك الخبزه و بس تبرد اجمعيها في كيس أو استخدميها على طول..
و هذي صوره ثانيه:
ما تنسوني من دعواتكم الطيبه و ان ربي يسهل أموري و يكفيني شر كل من فيه شر و لكم بالمثل..